Өткенге көз жүгіртер болсақ, өмірі өнегеге толы талай жандар бар екенін байқаймыз. Алайда олардың өмірі жайлы аз толғап жататынымыз да рас. Араға жылдар салып, олар жайлы айту кейінгі ұрпақтың басты  міндеті.  Елде қалып, соғысқа бармаса да екінші тыл майданында «Жеңіс үшін, бәрі де майдан үшін» - деген ұранмен еңбек еткен тыл ардагерлері қатары да жыл өткен сайын сиреп барады. Міне, сондай тыл ардагерлерінің бірегейі,  Ел басына күн туған сонау аласапыран 1941 жылы Байбосынов Тукен  он  төрт жасында алғашқылардың бірі болып көппен бірге еңбек  етті. Қарағанды  қаласы  Октябрь ауданы Сұрыптау кентінде темір жол саласында  тер төккен ардагермен кездесуге 5  мамыр 2016  жыл  күні №56 НОМ КММ 2 «А» сынып  оқушылары ардагердің үйінде болып, Ұлы Жеңістің -71 жылдық мерекесімен  құттықтады.