2016    жылының 27 ақпанында №56 НОМ-нің 8-9 сынып оқушыларының арасында жаңа технологиялар қолданылған «Үш тұғырлы тіл – уақыт талабы» атты ашық танымдық сайыс өткізілді. Бұл іс-шара қоғамдық-гуманитарлық пәндер бірлестігінің апталығы қарсанында ұйымдастырылды. Сайыстың мақсаты қазіргі уақыт талабына сай жоғары білімді, интеллектуалды полиглот болуға оқушыларды тарту, сонымен қатар олардың тіл мәдениетін қалыптастыру және дамыту, өзіндік ой пікірін дәйекті, жүйелі айта білуге, ұтымды шешен сөйлеуге баулу, өзге ұлттың тілін, әдебиетін, мәдениетін құрметтей білу сезімі дамыған дара тұлға даярлау болып табылды. Үш топ болып жарысқан оқушылар «Тіл өнері», «Бәйге», «Жорға» және «Тапқыр достар» атты кезеңдеріне қатысып өзара қазақ, орыс және ағылшын тілдері мен әдебиеттен білімдерін сайысқа салды. Іс-шара қазақ тілі және әдебиеті мұғалімі Мадет А. мен ағылшын тілі мұғалімі Балабекова Ж.А. жетелеуімен өтті.