2015 жылдың 17 тамызынан бастап 28 тамызы аралығында  № 56 НОМ  - де 5 «А» сынып оқушыларымен қазақ тілі пәнінен, сынып жетекшілері Д.У. Бесбаеваның  жетекшілігімен «Жазғы мектеп» өз  жұмысын бастады. Балалар сабаққа келіп, өз ойларын ортаға салып, сабаққа белсене қатысты. Қазақ тілінен 5 сыныпта өткен тақырыптарды еске түсірді. Ережелерін айтып, көптеген мысалдар келтірді. Одан кейін оқушылар үлестірмелі карточкалармен жұмыс істеді. «Жазғы мектеп» жұмысы оқушылардың жаңа оқу жылына дайындықпен келулерін қамтамасыз етеді. Сондықтан оқушылардың жазғы мектепке келіп сабаққа қатысулары өте маңызды.