Мектепте 9.12-14.12.2013 ж. аралығында «Менің Тәуелсіз Қазақстаным» тақырыбының аясында бастауыш сынып апталығы өтті. Апталық барысында 1 «А» сынып оқушылары да тыс қалған жоқ. Оқушылар алғаш мектеп табалдырығын аттаған күннен бастап оқып үйренгендерін  «10 санының құрамы» тақырыбымен өткізген ашық сабағында көрсетті.

    Сабақтың мақсаты:10 санын екі санның қосындысы түрінде жазу, кез-келген 10-нан кем санды 10-ға дейін толықтыру, 10 санының құрамын пайдаланып, мәні 10-ға тең болатын қосынды, оған кері айырма құрастыруды қалыптастыру. Сонымен қатар оқушы зейінін, ойлау қабілеттерін қалыптастыра отырып, есептеу дағдыларын күнделікті тұрмыста қолдана білуге тәрбиелеу.

       Сабақ ойын, сұрақ-жауап түрінде өтті. Оқушылар әр түрлі тапсырмалар орындау барысында жасырын сөзді тапты. Жасырын сөздің жауабы: «ТӘУЕЛСІЗДІК ҚҰТТЫ БОЛСЫН!». Сабақ соңында қонаққа келген Аяз ата мен Ақшақар сабаққа белсене қатысқан оқушыларға дорбаларындағы тәттілерді тарту етті. Балалар риза болды.