Қазақстан Республикасының Президент Н.Назарбаевтың

Қазақстан халқына Жолдауы 2018 жылғы 5 қазан

8 қазан күні "№56 негізгі орта мектебі" КММ-де Елбасы Нұрсұлтан Әбішұлы Назарбаевтың 2018 жылғы 5 қазандағы " Қазақстандықтардың әл-ауқаты, ең алдымен, табыстарының тұрақты өсімі мен тұрмыс сапасын арттыру" атты Жолдауын талқылауға арналған педагогикалық ұжым жиналысы өтті.

Жиналысты мектеп директорының орынбасары Бейсекеева Раушан Қарабайқызы ашып, Жолдаудың негізгі тұстарын белгілеп, ұжымға Елбасы Жолдауында қойылған жаңа міндеттердің ерекшеліктерін түсіндірді.

Талқылау барысында Жолдауда көрсетілген Қазақстанның даму басымдықтары, мемлекеттік саясаттың негізгі бағыттары, білім беру сапасын арттыру, бұқаралық спорт пен дене шынықтырудың қолжетімділігін арттыру мәселелеріне ерекше назар аударылды.

Мектеп қызметкерлері Мемлекет басшысының әлеуметтік бастамаларын оң бағалауда бірыңғай, Президенттің Жолдауында айтылған мақсаттар мен міндеттерді іске асыруға дайын екендіктерін білдіреді.