Ауғанстаннан әскерлерді шығару күні баршаңызға бейбітшілік пен түсіністік, достық пен өзара сыйластық тілейміз. Жылдар өткенімен жауынгерлеріміздің өшпес ерлігі  ел есінде сақталуда. Ауған қайсыбір ананы жалғыз боздағынан айырды, қаншама әйелді жесір, қаншама баланы әкесіз, қанша отбасын панасыз қалдырды. Ауған соғысы- жүректе жазылмайтын, тарихта ерекше орын алатын беттер... Әр халықтың, әр адамның қасиетті борышы - Отаны үшін жанын пида қылған азаматтарын мәңгі есте сақтап, құрметтеу, жас ұрпаққа отан сүйгіштіктің үлгісі ретінде насихаттау екенін ешқашан ұмытпайық. Бүгін мектебімізге Ауған соғысының ардагері Коломейцев Валерий Юрьевич шақырылып, ерлік сабағы өткізілді. Іс-шараға 8 Б және 10 А сынып оқушылары қатысты.