Солдатқа хат жолдау- әскери өмірдің ең  бір жүрекке жылы тиетін  жарқын беттерінің бірі. Қазіргі уақытта хат жолдау сәнді болмаса да, мерзімді қызметтегі әскери қызметшілер үшін, оларды туған үйімен,жолдастарымен,туған қаласымен тығыз  байланыстыратын   жүйе болып қала береді. Жас ерекшеліктеріне қарамастан  қазақстандықтар  елде жүріп жатқан «Солдатқа хат жолда» атты акцияға  шын ниеттерімен назар аударды. Жас буын әңгімелер мен өлеңдер жолдады, ал кішкене балалар Қазақстанның Қарулы Күштерінде  мерзімді қызметте  жүрген  отандастарына арнап танктер, ұшақтар және портреттер  салды.  Әскери қызметшілерге  жеңіл әскери қызмет  және үйге аман-есен оралуын тіледі.  Барлық хаттардың жолдары  Отанын қорғауға қатысты ризашылық алғыспен толтырылған. Балалар хаттарында  өздері туралы, өздерінің алға қойған жоспарлары және жетістіктері туралы баяндайды, жергілікті жаңалықтармен бөліседі және үйінен алыста жүрген мерзімді қызметтегі әскери қызметшілерге  әр түрлі сұрақтар  қояды. Сондай бір хаттың авторы, Алматы қаласының тұрғыны  Даяна Утепова - «Мен бұл акцияға қатысамын деп шештім, өйткені, солдат болу оңай емес деп түсінемін.  Олар бейбіт заманға қарамастан  біздің елімізді қорғайды.  Олар туған үйлерінен  жырақта  жүреді және оларға  туған елінен келген кез келген  кішкене  жаңалық оларға үлкен қуаныш әкеледі»-дейді.  Кейбіреуге  осы әр жолды жазу оңайға түспеді,өйткені балалар бірінші рет танымайтын адамдарына  хат жазады,немесе керісінше көз алдарына  өз туғандарын елестетеді. Мысалы, алматылық Даниил Скорыхтың десанттық-шабуылшы әскері қатарында қызмет жасаған  туған ағасы жақында  әскерден келді.  Сол бала оған хат жазғанын және оған жауапты күткенін үлкен мақтанышпен, жылулықпен еске түсіреді.   «Мен де бір күні әскерге барамын және сен сияқты мен де  қызмет етемін!  Менің ойымша, әр азамат өз әскери міндетің Отанының алдында орындауы  керек.  Мен сені мақтан тұтамын !  Сен Отаныңның нағыз қорғаушысысың!»- деп жазады Даниил бейтаныс солдатқа жолдаған хатында. Қарағанды облысы бойынша  жалпы білім беретін  мектептердің  оқушылары мен кадеттері  акцияға белсенді қатысты. Қарағанды облысынан алшақта  мерзімді әскери қызметін өтеп жүрген  өздерінің жерлестеріне  олар да хаттарын  жолдады.  Кадеттер «Солдатқа хат жолдау» акциясына  үлкен құлшыныспен ат салысты.  Жерлестеріне арналған безендірілген  хаттарында  олар өздері туралы жазды және мерзімді әскери қызметін өтеп жүрген   әскери қызметшілерге олардың  Отанына деген адалдығына ризашылық алғыстарын жазды, сонымен қатар,  келе жатқан Жаңа жылдарымен құттықтады «Құрметті Қазақстан әскерінің  әскери қызметшісі! Сізді келе жатқан  Жаңа Жылыңызбен!  Сізге өз міндетіңізді орындап еліңізге аман-есен оралуыңызды тілеймін.  Мен де сіз сияқты өз Отанымды қорғаймын»- деп жазды  № 58 ЖББОМ  оқушысы ,кадет сыныбының командирі  Марлен Жанабаев. Көптеген кадеттер өз хаттарына  символикалық сыйлықтарын: қаламдар,қарындаштар,қағаздан қиылған қаршаларды қосымша ретінде жіберді.  «Ал, егер олар бізге жауап беретін болса?» -деген оймен оқушылар мен кадеттер  хаттарында өз мекен-жайы және байланыс телефондарын  көрсетуге тырысты. Мерзімді  әскери қызметін өтеп жүрген әскери  қызметшілерді үйлерінде күтіп отырғаны және оларды жақсы көретінін білдіретін  туған жерінен келген хабар  олардың көңілін бір  марқайтса екен деп, ойлайсың.  Естеріңізге сала кетейік,   Шығыс-Қазақстан облысы, Глубоковский ауданының жергілікті атқарушы органдарының Тәуелсіздік күні қарсаңында шыққан «Солдатқа хат жолдау» патриоттық акциясына ҚР Қарулы Күштері қолдауын көрсетті.