Каламыздағы № 58 мектептің 6 «А» сынып оқушысы Балташева Томирис Жанатқызы 2000 жылы 29 ақпанда дүниеге келген. Томирис мектеппен қатар музыка мектебінде дәріс алады. Барлық пәндерді жақсы оқиды. Әсіресе қазақ тілі, қазақ әдебиеті,тарих, ағылшын пәндеріне келгенде алдына жан салмайды. Ұстаздары Томиристі үлгі тұтады. Ал музыкаға келгенде әнді Томиристей жақсы көретін адам жоқ па деп қаласыз. Әнге құштарлығы бөлек сезім. Халық әндері мен эстрада әндерін бірдей тыңдап, оларға баға береді. «Жаңа есім 2011» облыстық жас өспірімдер арасында өткен байқауда жүлделі І-орынды иеленіп, жеңімпаз атанды. Байқауда фортепианомен Абай атамыздың бірнеше әндерін орындады. Арманы көп, қиялы ұшқыр, талабы таудай Томирис болашақта Қарақат Әбілдина апасы сияқты әйгілі әнші болуды армандайды. Мектебіміздегі мерекелік іс-шаралар тікелей Томиристің қатысуымен өтеді. ҚР тәуелсіздік мерекесіне орай ұйымдастырылған үлкен концертте ән салып, осы мейрам қарсаңында өткен мәнерлеп оқу сайысында Елбасы Н.Ә.Назарбаев атасына арнап өз өлеңін оқыды. Мектептің педагогикалық ұжымы бүгінгі мектеп мақтанышы Томиристің ертеңгі ел мақтанышы болатынына үлкен үміт артып, асқақ армандарың ақиқатқа айналсын деп ақ жол тілейді.