Желтоқсан айының 14 жылдызында №58 жалпы білім беретін орта мектебінде Тәуелсіздік күніне орай және ана тіліміздің тұғырының мықты болуына негіз қалаған бабаларымыздың өсиетін ұран ету, оқушылардың  ана тіліне деген құрмет сезімін арттыру, тіл мәртебесін көтеру, таза сөйлеуге үйрету,  ұлтына, еліне деген сүйіспеншілігін ояту , Қазақстан мемлекетінде тұратын барлық халықтардың тілдерін құрметтеу,  қазақ тілінің мәртебесін көтеру мақсатында «Тіл-халық жанын танудың кілті» атты қалалық байқау болды.  Байқау 3 кезеңде өтті. 1.«Тәуелсіздік тұғыры-мемлекеттік тіл» атты ауызша таныстырылым. Орындау уақытына  3минут берілді.  2.«Тіл-мәдениет мұраларына жол»  әдеби-мәдениеттанушылық тест. Бұл тапсырманы орындауға 30 минут берілді.Және қазақ әдебиеті классиктерінің, қазіргі заманғы жазушылардың туындыларынан үзінділерді мазмұндау, мәтінді лингвистикалық-стилистикалық талдау. Бұл кезең билеттік жүйеде болды. 3.«Шабыт жұлдызы» шығармашылық тапсырма. Халық аспаптарында ойнау, ұлттық ән, би, көркем сөз оқу арқылы қазақтың ұлттыңмәдениетін көрсету.  Бұған 5-7 минут уақыт берілді. Байқаудың қазылығын әділ шешіп, жеңімпаздарды анықтайтын  әділ қазылар алқасы да сайланды. Олар: Қарағанды қаласы ББ қазақ тілі мен әдебиет пәнінің әдіскері Г.С.Ибадуллаева;  №101 МЛ қазақ тілі мен әдебиеті пәнінің мұғалімі С.С.Тлеубергенова; №9 гимназияның қазақ тілі мен әдебиеті пәні мұғалімі А.Е.Кадирова. Қалалық байқауға 20 мектептен өзге ұлт оқушылары қатысты.Әділ қазылардың шешімі бойынша байқау қорытындысы, яғни тест пен билеттік жүйе тексеріліп, жүлделі орынға ие болған мектеп оқушыларын 16 желтоқсан Тәуелсіздік күні мерекесінен кейін марапатталатындығын айтты. ҚББ  қазақ тілі мен әдебиеті пәнінің әдіскері Г.С.Ибадуллаева қорытынды сөзінде №58 ЖББОМ әкімшілігі және қазақ тілі мен әдебиеті пәнінің мұғалімдерінің жүйелі ұйымдастыруымен болған қалалық байқау өте жоғары деңгейде өткендігін қуанышпен айтты. Және №58 ЖББОМ әкімшілігі және қазақ тілі мен әдебиеті пәнінің мұғалімдеріне өз алғысын білдірді.