2024 жылдың 1 және 2 ақпанында біздің мектебімізде Қарағанды облысы білім басқармасының «Жас Сарбаз» сынып оқушылары арасында III-қысқы «Қалқан» Спартакиада өз мәресіне жетті. Спартакиаданы ұйымдастырушылар Қарағанды облысының білім басқармасы «СарыАрқа дарыны» балаларға қосымша білім беру аймақтық ғылыми-практикалық орталығы» және мектеп әкімшілігі. Жарыс президенттік дене шынықтыру тестілері бағдарламасы бойынша «Жас Сарбаздар» (жас тобы 14-18 жас аралығы) арасында өткізілді. Жарыс бағдарламасы: белтемірде тартылу, 3000м. шаңғы жарысы, 2х2500м. шаңғы эстафетасы және пневматикалық мылтықтан ату.
Мектебіміздің «Жас Сарбаз» командасы құрамында аға сержант Нығыметжанов Әлімжан (11«Б» Жас Сарбаз сыныбы) және аға сержант Ахметқан Шерхан (11«А» Жас Сарбаз сыныбы) жалпы есепте командалық 1 орын иеленді, 2 орын иегері Абай ауданы П.Корниенко атындағы ЖББМ Жас Сарбаз командасы және 3 орынды Осакаровка ауданы А.Бокейхан атындағы ЖББМ Жас Сарбаз командасына бұйырды. Енді мектебіміздің «Жас Сарбаз» командасы Республикалық жарыста облысымыздың намысын қорғайтын болады. Барлық командаларды жеңістерімен құттықтаймыз және алдағы республикалыққ жарыста біздің мектептің және Қарағанды облысының намысын қорғайтын «Жас Сарбаз» командасына жеңіс тілейміз!