2023 жылғы 4 желтоқсанда «Қарағанды облысында білім беруді дамытудың оқу-әдістемелік орталығы» КМҚК жұмыс жоспарына сәйкес Қарағанды қаласының «Нұркен Әбдіров атындағы ЖББМ» КММ базасында «Құндылыққа негізделген тәрбие мен білім» облыстық Форумы аясында
         «Біртұтас Тәрбие бағдарламасын» жүзеге асыру бойынша Ашық есік күні өтті. Шараның мақсаты «Біртұтас тәрбие бағдарламасының «Ұлттық мүдде» бағыты бойынша «Қазақстанның қауіпсіздігін қамтамасыз етуге дайын болу» міндеттерін жүзеге асыру, отаншыл, мемлекетшіл және намысшыл жас ұрпақты Ұлттық мүддені сақтауға тәрбиелеу.
Шараның шымылдығын «Ұлт мұрасы домбыра»-ұлттық дәстүр жобасы аясында мектепішілік домбыра оркестрі «Туған жер» күйімен ашты.
             Ашық есік күнінде келесі алаңдар жұмыс жасады:
-«Әжелер мектебі» жобасы - «Қара қазанның қасиеті» көрінісі;
-«Оқуға құштар мектеп» жобасы - «Қобыланды батыр» жырын жатқа оқу, «ДАТ» батырлар сайысы;
-«Ұлағат» әкелер мектебі - «Қамшы өру технологиясы» шеберлік сабағы;
-«Өсиет» аталар мектебі - «Ат әбзелдерінің маңызы» шеберлік сабағы;
- «Жас журналист» жобасы - «Батырлар жыры» комиксі және «Жас Сарбаз» газеті;
-«Тұмар» қыздар клубы - ««Ұлы дала арулары: батыр Әлия ізімен» жобалар қорғау;
-«Әскери дайындық және мергендер» шеберлік сабағы;
- «Ұлы Отан соғысының Қазақстандық батырлары» 3 D ойыны;
-«Қоғамға қызмет» жобасы - «Мен батырлықты қалай түсінемін?» TED-x;
-«Балалар және театр» жобасы - «Қыран қазақ» қойылымы.

     Аталған іс-шараға қала педагогтері, ата-аналар және әлеуметтік серіктестер қатысты.