2023 жылғы 18 қарашада мектебімізде Қарағанды қаласы мектеп оқушылары арасында «Cool games KZ-2023» II қалалық белсенді ойындарынан жарыс өтті. «Cool games KZ-2023».
      Ойынның мақсаты-оқушылардың бойында шапшаңдықты, ептілікті, ұйымшылдықты тәрбиелеу, күш-қуат пен ұжымдық әрекет ету қабілетін ояту, сондай-ақ балалардың денсаулығын нығайту, дене шынықтырудың саналы қажеттілігін тәрбиелеу, ашық ойындар мен спортпен шұғылдануға тарту, салауатты өмір салтын насихаттау, Қарағанды қаласының мықты командаларын анықтау.
      Жарысқа 10 команда қатысып өздерінің күштерін ортаға салды. Атап айтатын болсақ ол командалар Н.Әбдіров атындағы ЖББМ, Е.А.Букетов атындағы ЖББМ, Ғ.Мұстафин атындағы ЖББМ, №14 мектеп-гимназия, №82 ЖББМ, №25 ЖОББМ, №51 ҚББМО, №30 ЖББМ, №10 ЖББМ, №59 ЖББМ.
       Ойынның жалпы қорытындысы бойынша бірінші орынды біздің мектептің«Жас Сарбаз» командасы иеленсе екінші орынды №59 ЖББМ оқушылары, ал үшінші орынды Е.А.Букетов атындағы ЖББМ оқушылары жеңіп алды.
«Жас Сарбаз» командасын жеңісімен құттықтаймыз алдағы облыстық ойында сәттілік тілейміз!

Е.Рахимжанов