Ел іші, отбасының бүтіндігін ойлайтын көптің сыйлы анасы ол - әже. Ал ұлттық тәрбиенің өзегі «ӘЖЕЛЕР МЕКТЕБІНЕН «бастау алады. Ата-әжелер бала тәрбиесіне аса мән беріп олардың дұрыс сөйлеуіне, «үлкенге құрмет,кішіге ізет»жасауына бағыт бағдар беріп отырады. Осындай рухани құндылықтарды бала бойына сіңіру мақсатында 5Ә - 7Ә сынып оқушыларымен «Ана алдында құрмет, Ата алдында қызмет» тақырыбында тренинг ұйымдастырылды. Қонаққа келген Бижамал әже мен Айнагул әже өскелең ұрпаққа өмірден түйген өсиеттері мен тәлімі көп мағыналы, үлгілі әрі өнегелі әңгімелерімен бөлісіп, сұхбаттасты. Оқушылар әжелерінің мейірімділігі мен қамқорлығы туралы өз ойларын ортаға салды. Алыстағы әжелерін сағынып көздеріне жас алғандары да болды. Ата-әжемізге біздің ыстық ықылысымыз бен ақ пейіл көңіліміз ғана керек екені байқалды. Тренинг оқушылар жүрегіне жылулық ұялатты. 5Ә сынып оқушысы Мыңбай Мағжан «Әже туралы»ән орындап отырғандарды әсем даусымен тәнті етті. Әжелер балаларға батасын беріп, өмірлерің кәмпиттей тәтті болсын деп, соңында шашу шашты. Іс шараны ұйымдастырғандар: Ерімбетова Ш.М., Сарсембаева М.Б.