2023 жылғы 5 мамырда Қарағанды қаласы білім бөлімінің «Зияткерлік модернизация» жобасы бойынша «Жас Сарбаз» патриоттық қозғалысы тұжырымдамасы аясындағы құндылықтар жүйесін енгізу тәжірибелік семинары өтті. Семинар аясында «Нұркен Әбдіров атындағы ЖББМ» КММ-нің ұжымы өскелең ұрпақты патриоттық тәрбиелеге баулу, құндылыққа негізделген білім беру бойынша іс-тәжірибемен бөлісті.
Жұмыс барысында қонақтар келесі бағыттағы тәжірибемен танысты:
- ұлттық ойын «Асық»,
- «Әжелер мектебінің» жобасы,
- киізге, ағашқа және темірге ою салу;
- «баламалы энергия көздері» жобалық жұмысы;
- «Смарт Сарбаз» - робототехника;
-қолөнер;
-өнімге екінші өмір беру, экологиялық жобалар;
-патриоттық әндер хоры;
-барабаншылар;
-каратэ;
-«Қыран қазақ» театрланған көрініс;
-мектепшілік пресса «Жас Сарбаз» газетінің жұмысы;
-мектепшілік TED клубы мүшелерінің жұмысы.
«Әкелер мектебі» жобасына қатысушы әке, ата-ана Ерлан Бақтыгерей ұйымдастырған бастауыш сынып оқушыларының «Домбыра –дастан» домбыра оркестрі өнер көрсетті.
Семинар барысында 7 мамыр- Отанқорғаушылар күні мерекесіне орай қайсар қыран қазақ, жерлесіміз, Ұлы Отан соғысының батыры Нұркен Әбдіровқа тағзым ету және құрмет көрсету мақсатында «Ерлікке тағзым» мұражайының ашылу салтанаты болды.
Танымдық мұражай 3 бағытта рәсімделген:
1 бағыт - «Қыран қазақ», Нұркен Әбдіровтың өмірі мен ерлік жолына арналған.
2 бағыт - «Қарағанды Ұлы Отан соғысында», Қарағандылық Ұлы Отан соғысының батырлары туралы деректерден тұрады;
3 бағыт - «Ұрпақтар сабақтастығын жалғастыру-ұлттық міндет», мектеп тарихы, «Жас Сарбаз» сыныптарының құрылуы және жасалуы туралы ақпараттар берілген. Мұрағатпен мектеп мұғалімдерінен құралған шығармашылық топ мүшелері жұмыс істеді. Мұражайдағы деректер «Нұркен Әбдіров мектебінің 100 есімі» ақпараттық жинағымен толықтырылған. Ақпараттық жинақты жааумен мектеп мұғалімдері Ахметова Г.П., Керембаева Д.Н. еңбек етті.
Келесі кезекте жиналған қонақтар мектепішілік театр үйірмесінің «Қыран қазақ» қойылымын тамашалады. Оқушылар бірнеше рет С.Сейфуллин атындағы облыстық қазақ драма театрына барып қойылымды көрді, осылайша өз бойларынан өткізіп, 6 ай дайындады. Қойылымды қоюшы оқушылар пьеса авторы белгілі драматург Кеңес Жұмабековтен түпнұсқадағы пьесаны алып, толық нұсқасында сахналады. «Қыран қазақ» қойылымы Нұркен Әбдіровтің зұлмат жылдардағы ерлігі жайлы баяндайды. Қойылымды 6 -11 сынып оқушылары көрсетіп шықты. Қойылымды дайындау жетекшісі Нурғалиева Ж.А.
Семинарға «Зияткерлік модернизация» жобасына қатысушы білім беру ұйымдарының басшылары, «Орталық Қазақстан» газетінің бөлім меңгерушісі, тарихшы Төлеуов Ерғазы Қадашұлы, Нұркен ауылы әкімінің орынбасары Жүзбаев Жанат Төлеуханұлы, Қарқаралы ауданы Нұркен ауылының №10 мектебінің директоры Қымбат Құдайбергенович, облыстық маслихаттың депутаты, Қамқоршылық кеңесінің мүшесі Башай Меруерт, Қамқоршылық кеңесінің төрайымы Үмбетова Шұғыла Тлектесқызы, ҚР Ұлттық гвардия №52859 әскери бөлімі солдат аналарының кеңесінің төрайымы Фатеева Мария Дмитриевна, Қарағанды қаласы Ауған соғысы ардагерлері мен Мүгедектерінің одағы, ардагерлер қоғамдық бірлестігінің басшысылары Кульжамбеков Шүкіржан Елубаевич, Испаев Талғат Нургалиевич, Мусалимов Талғат Кусайнович қатысты.
Семинарды ұйымдастырушы Нұркен Әбдіров мектебінің педагогикалық ұжымы, үздіксіз даму үстіндегі ұстаздар қауымы ҚҰНДЫЛЫҚТАР негізінде білім беру мектептегі тәрбие үдерісін толыққанды қамтитынын және жүйелендіруге көмектесетінін атап өтті.
Ұрпақ тәрбиесінде мұғалімнің таланты, біліктілігі және жауапкершілігі, адами қасиеттері өте маңызды рөл ойнайды. Сондықтан осы іске бір қолдай жұмылып, өзінің кәсіби шеберліктерін көрсеткен ұстаздарға мектеп әкімшілігі Алғыс білдіреді!
