27 ақпан күні «Нұркен Әбдіров атындағы ЖББМ» қазақ тілі мен әдебиеті пәнінің мұғалімі Ғалымбекова Гүлмарал Ғалымбекқызымен ұйымдастырылған «Өнегелі өмір» жобасы аясында Тәттімбет атындағы Академиялық қазақ ұлт аспаптар оркестірінің әртісі, республикалық, облыстық конкурстардың лауреаты Сағитов Ғалымбек Әуезханұлы мен қызы Ғалымбек Әйгерім қонақ болып келді.
Кездесуге 7 «А» сынып оқушылары қатысты. Ғалымбек Әуезханұлы өзінің өнегелі ғұмыры мен өнердегі жолын, осы салаға келген себебін айтып, оқушыларға ақжарма тілектер арнады. Оқушылар да өздеріне керекті, қызықты сұрақтарға жауап алды. Түрлі аспаптармен таныстырып, оқушылар өздерінің бағын сынап, домбыра аспабында ойнап, үйреніп көрді. Сонымен қатар, келіп қана қоймай қонақ кәде тарту етті, өнерлерін көрсетті. Оқушылардың музыкалық аспапқа, өнерге деген қызығушылықтары артты. Кездесуіміз жоғарғы дәрежеде өтті.
