2023 жылдың 17 ақпанында мектебіміздің базасында Қарағанды облысымыздың білім бөлімінің «Жас Сарбаз» сынып оқушылары арасында II-қысқы Спартакиада аяқталды. Спартакиаданы ұйымдастырушы Қарағанды қаласының білім бөлімі. Қалалық турнирге Қарағанды қаласы білім бөлімінің жалпы білім беретін мектептерінің Жас Сарбаз сыныптары командалары атап айтсақ Н.Әбдіров атындағы ЖББМ Қарағанды қаласы, Б.Момышұлыатындағы ЖББМ Балқаш қаласы, Б.Момышұлыатындағы мектеп  лицеі Теміртау қаласы, А.Бөкейхан атындағы тірек мектебі Осакаровка ауданы, П.Корниенко атындағы ЖББМ Абай ауданы, М.Жұмабаев атындағы ЖББМ Нұра аудандарынан келген Жас Сарбаздарқатысты. Жарыс президенттік дене шынықтыру тестілері бағдарламасы бойынша Жас Сарбаздар (14-18 жас аралығындағы жас тобы) арасында өткізілді. Жарыс бағдарламасы: турникте тартылу, 3000м. шаңғы жарысы, 2х1000м. шаңғы эстафетасы және  пневматикалық мылтықтан ату.

   Мектебіміздің «Жас Сарбаз» командасы құрамында сержант Нығыметжанов Әлімжан (10«Б» ЖС сыныбы) және кіші сержант Ахметқан Шерхан (10«А» ЖС сыныбы) жалпы есепте командалық 1 орын иеленді, 2 орын иегері 2 командаБ.Момышұлы атындағы МЛ Теміртау қаласы және П.Корниенко атындағы ЖББМ Абай ауданы, 3 орынды А.Бөкейхан атындағы тірек мектебі Осакаровка ауданы командасына бұйырды. Енді «Жас Сарбаз» командасы республикалық жарыста облысымыздың Жас Сарбаздар намысын қорғайтын болады. Барлық командаларды жеңістерімен құттықтаймыз және алдағы республикалық қысқы Спартакиадада біздің мектептің және Қарағанды облысының намысын қорғайтын «Жас Сарбаз» командасына жеңіс, сәттілік тілейміз!