2023 жылдың 25 қаңтарында Қарағанды қаласының «Оқушылар сарайы-клуб ЮНЕСКО», ҚР Ұлттық ұланының «Орталық» өңірлік қолбасшылығымен бірлесіп «Сарыарқа дарыны» балаларға қосымша білім беру аймақтық ғылыми-практикалық орталығының қолдауымен белсенді азаматтық ұстанымды, патриотизм сезімін, Қазақстан Республикасының рәміздері мен салт-жораларына, геральдикасына жауапкершілікпен қарауды қалыптастыру үшін жағдайлар жасау мақсатында
Қарағанды қаласының Оқушылар сарайында Қарағанды облысының білім беру ұйымдарының ХІ Ту ұстаушылар топтары облыстық сынақ-байқауының финалы өтті.
Финалда Қарағанды облысының 11 байрақты тобы қатысты. Қарағанды, шахтинск, Саран, Теміртау, Балқаш қалаларының ең үздік топтары өнер көрсетті.
Іс-шараға құрметті қонақтар: «Тәжік-ауған шекарасындағы әскери іс-қимылға және соғыс қақтығыстарына қатысушылардың ардагерлер одағы» республикалық қоғамдық бірлестігі төрағасының орынбасары Шүкіржан Елубайұлы Құлжанбеков, әскери іс-қимылдар ардагері, «Тәжік-ауған шекарасындағы әскери іс-қимылға қатысушылардың ардагерлер одағы» республикалық қоғамдық бірлестігі төрағасының орынбасары Мусалиманов Талғат Құсайынұлы қатысты.
Барлық қатысушылардың өнеріне құзыретті қазылар алқасы: ҚР Ұлттық ұланының "Орталық" өңірлік қолбасшылығы Басқармасының офицерлері төрелік етті.
Мектеп оқытушылары командаларды кәсіби түрде дайындаған барлық байрақты топтар жоғары деңгейдегі шеберліктерін паш етті.
Сынақ-байқаудың қорытындылары бойынша :
1-орын - Н. Әбдіров атындағы ЖББМ (Қарағанды қ.) иеленді
2 - орын – №30 ЖББОМ (Қарағанды қ.) иеленді;
3-орын - Ә.Ермеков атындағы мектеп-лицей (Балқаш қ.) иеленді.
Авторство:
