2022 ж. 21 желтоқсанда Қарағанды қ. Нұркен Әбдіров атындағы жалпы орта білім беретін мектеп базасында Қарағанды қ. мектептерінің Жас Сарбаз сыныптарының командалары арасында «Cool games KZ» қалалық белсенді ойындары өтті. «Cool games KZ» қалалық белсенді ойындарының ұйымдастырушылары Қарағанды қаласының білім бөлімі және Нұркен Әбдіров атындағы ЖББ мектебі.
Ойынның мақсаты-оқушылардың бойында шапшаңдықты, ептілікті, ұйымшылдықты тәрбиелеу, күш-қуат пен ұжымдық әрекет ету қабілетін ояту, сондай-ақ балалардың денсаулығын нығайту, дене шынықтырудың саналы қажеттілігін тәрбиелеу, ашық ойындар мен спортпен шұғылдануға тарту, салауатты өмір салтын насихаттау, Қарағанды қаласының мықты командаларын анықтау.
Жарысқа 7 команда қатысты - №21 ЖББМ, №30 ЖББМ, №91 ЖББМ, Ю.Павлов атындағы ЖББМ, №23 ЖББМ және Нұркен Әбдіров атындағы ЖББМ екі командасы, барлығы 56 қатысушы.
Ойынның жалпы қорытындысы бойынша Гран-При иегері Нұркен Әбдіров атындағы ЖББМ «Арыстан» командасы, бірінші орынды Нұркен Әбдіров атындағы ЖББМ "Жас Сарбаз" командасы иеленсе, екінші орынды №21 ЖББМ Жас Сарбаз командасы, үшінші орынды №30 ЖББМ командасы иеленді.

Судьи – Бутузова Татьяна Васильевна,
Рахимжанов Ерлан Толегенович,
Рязанов Андрей Анатольевич,
Джумаев Эльвин Эльданизович,
Амангелді Айбар,
Умиртасов Динмухамед
Сериков Асылхан