2022 жылғы қараша айында Қарағанды қаласы Нұркен Әбдіров атындағы жалпы білім беретін мектебінде Қарағанды қаласында орналасқан Жас Сарбаз сыныптары арасында I қалалық «Оқы, Жас Сарбаз!» байқауы өтті. Аталған байқауға Қарағанды қаласындағы 6 мектептен атап айтсақ Н.Әбдіров атындағы ЖББМ, Б.Момышұлы ЖББМ, №30 ЖББМ, №23 ЖББМ, №91 ЖББМ және №10 ЖББ мектептердің Жас Сарбаздары қатысты.
   Байқаудың басты мақсаты Жас Сарбаздардың кітап оқуға деген құштарлықтарын арттыру, қазақ және шетел әдебиетін, ақын-жазушыларының шығармаларын терең зерттеуге шақыру және жас ұрпақтың бойына отансүйгіштік сезімді қалыптастыру, қалалық байқауға қатысу барысында оқушыларды кітап оқуға бейімдеу және оқу сауаттылықтарын арттыру, балалардың жылдам оқу, логикалық, сыни тұрғыдан ойлау қабілеттерін дамыту және сананың ашықтығын қалыптастыру, туған елі туралы білімдерін жетілдіру және отансүйгіштікке баулу.
  I Қалалық байқаудың ұйымдастырушылары «Қарағанды қаласының білім бөлімі» және Қарағанды қаласы Нұркен Әбдіров атындағы ЖББМ.
Байқаудың ережесі бойынша Жас Сарбаздар дайындалу барысында келесі кітаптарды оқыды Қасым Қайсеновтің «Жау тылындағы бала», Əлдихан Қалдыбаевтың «Мен - апамның баласымын», Бауыржан Момышұлының «Ұшқан ұя», «Соғыс қателікт кешірмейді», «Қанмен жазылған кітап», Дулат Исабековтің «Гауһартас», Ілияс Есенберлиннің «Көшпенділер», Талғат Бегельдиновтің «Пике в бессмертие», Александр Бектің «Волоколамское шоссе» және Даниэль Дефоның «Робинзон Крузо» кітаптарын оқып байқауға сақадай сай болып келді. I Қалалық байқау өте жоғары деңгейде өтті. Қазылар алқасының шешімі бойынша жеңіске жеткен Жас Сарбаздар мен осы байқауға оқушыларды дайындаған ұстаздарды Қарағанды қаласы білім бөлімінің мадақтама, алғыс хат және сертификаттары мен марапатталады.
Е.Рахимжанов