28.11.2022 күні «Нұркен Әбдіров атындағы ЖББМ» КММ 9 «Ә» сыныбының оқушылары тарих пәнінің мұғалімі Бегендік К. ұйымдастырумен Е.А. Бөкетов атындағы Қарағанды университеті тарих факультетінің мәжіліс залында «Қазақ автономиясының жариялануына және «Алаш Орда» ұлттық үкіметінің құрылуына 105 жыл толуына арналған «Өнегелі өмір» жобасы аясында Е.А.Бөкетов атындағы Қарағанды университетінің доценті,т.ғ.к.,профессор, «Тұлғатану» ғылыми-зерттеу орталығының директоры Бейсенбекова Нұрсахан Ахметовнамен кездесу өткізді. Кездесуде ғалым Алаш қозғалысының жетекшілері Ә. Бөкейханов, А. Байтұрсынов, М. Тынышпаев, М. Дулатов, М. Шоқай, Х. және Ж. Досмұхамедовтар, Ж. Ақбаев, Х. Ғаббасов, Р. Марсеков, А.Тұрлыбаев, А. Ермеков және басқалары - Отан тағдыры үшін жоғары жауапкершілікте болған адамдар, сонымен қатар, интеллектуалды қайта өрлеу дәуірінің ұйытқысы болғандықтарын айтып өтті. Оқушылар Алаш тарихы бойынша сұрақтар қойып, қызықты мағлұматтар алды. Оқушылар Е.А. Бөкетовтың мұражайында болып, тарих деректермен танысты.