Қарағанды қ. білім бөлімінің білім беру ұйымдары - Нұркен Әбдіров атындағы ЖББМ

Басқа
Нұркен Әбдіров атындағы ЖББМ

Қазақ тілін үйренеміз

26.09.2022 | Нұркен Әбдіров атындағы ЖББМ

«Қарағанды қаласының Н.Әбдіров атындағы ЖББМ» КММ оқушылары 2022 жылдың 25 қыркүйегінде Қарқаралы ауданы, Ақтерек ауылындағы Ұлт ұстазы Ахмет Байтұрсынов еңбек еткен мектеп-мұражайына саяхат жасады. Шамамен 1902-1904 жылдары осы шағын ауылда Ахмет Байтұрсыновтың педагогикалық қызметпен, сауат ашу ісімен айналысқаны туралы алғаш рет Қазақстанда геомеханиканың негізін салушы ғалым Ақжан Жақсыбекұлы әл-Машани жазған екен. Қасиетті Қарқаралы жерінде жартылай кітапхана, жартылай мұражай қызметін атқарып тұрған шағын ғимаратты ауылдың өз азаматтары жөндеп, мұрағатты тарихқа айналдырып отырғаны бәріміздің жүрегімізге ой салды. Туған жерге деген махаббатың көрінісі осылай болатын шығар деген оймен қайттық.

Сонымен бірге оқушыларымыз Қарқаралының саф таза ауасымен демалып, «Циклоп қақпасы» атты тау шатқалында орналасқан көлге саяхатқа барды. Осы көлге байланысты аңызбен танысты, «Үш үңгір» атты жерге барды. Туған жеріміздің жәдігерлерімен оқушыларды таныстырғанымыз, кейбір оқушыларымыздың Қарқаралы жеріне алғаш рет барып келгені бұл сабақтардың өзектілігін көрсетті.

Авторство: