«Сапалы қосымша білім беру - өскелең ұрпақты жетістікке жеткізу жолы»

тақырыбында алғашқы әскери технологиялық дайындықұстаздармен

 семинар өткізілді

Жас Сарбазды дайындау - бұл дене бітімі, психикалық және адамгершілік жағынан дені сау азаматты қалыптастыру, тарихи және жаңадан  қалыптасқан дәстүрлерге қатысқысы келетін адамдарды біріктіру.

Қарағанды қаласы Нұркен Әбдіров атындағы ЖББМ алғашқы әскери технологиялық дайындық оқытушыларының біліктіліктерін арттыру курсы тыңдаушылары мен «Жас Сарбаз» әскери - патриоттық бағыттағы жастар қозғалысын іске асыру аясында «Сапалы қосымша білім беру - өскелең ұрпақты жетістікке жеткізу жолы» атты облыстық семинар өткізілді.

Бұл семинарға облыстың түпкір түпкірінен келген АӘТД пән мұғалімдері қатысты. Іс-шара барысында қатысушыларға мектебіміздегі Жас Сарбаз сынытарында екінші ауысымда өткізілетін қосымша сабақтары қалай ұйымдастырылады, жоспарланды және өткізіледі сол туралы ақпараттар жеткізіліп, сонымен қатар «Жас Сарбаз» сыныптарына қатысты көптеген құжаттарымен таныстырып көрсетілді. Әріптестер көптеген сұрақтарға қанағаттандырылатын жауап алды.

Жас Сарбаздар мен өткізіліп жатқан іс-шараның мақсаты жасөспірімдерде маңызды рухани - адамгершілік және әлеуметтік құндылықтар ретінде азаматтық пен патриотизмді қалыптастыру үшін жағдай жасау, оларды Қазақстан Қарулы Күштері қатарында қызметке даярлау болып табылады.

Е.Рахимжанов