АЙБЫН-2022 ӨЗ МІРЕСІНЕ ЖЕТТІ

2022 жыл 18-23 маусым аралығында Қарағанды облысы «Спасск» оқу орталығында VIII рет Республикалық «Айбын-2022» әскери-патриоттық жастар жиыны өтті. Бұл жыйнға мектебіміздің «Жас Ұлан» әскери патриоттық клубы ҚР ҚК әскери полициясы Бас Басқармасының намысын қорғады.

 21 маусым «Айбын» әскери-патриоттық жастар жиынының ашылуы рәсімі салтанатты түрде өтті.

Биылғы жас патриоттар жиыны Балалар жылы мен Қазақстан Қарулы күштерінің 30 жылдығы аясында өтті. «Айбын» VIII республикалық әскери-патриоттық жастар жиынының ашылу салтанатына Қорғаныс министрі генерал-полковник Руслан Жақсылықов қатысты.

Жас патриоттарды Парламент Сенатының Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед, «Қарулы күштердің ардагерлері» республикалық қоғамдық бірлестігі Орталық кеңесінің төрағасы армия генералы Мұхтар Алтынбаев құттықтады. Сондай-ақ, жас патриоттарға қолдау көрсетуге Қарулы күштердің ардагерлері, БҰҰ бітімгерлік миссияларына, жауынгерлік іс-қимылдар мен жергілікті қақтығыстарға қатысушылар, мемлекеттік органдардың, жұртшылық пен БАҚ өкілдері де қатысты.

 «Айбын-2022» республикалық әскери - патриоттық жастар жиыны шеңберінде қатысушы командалар зияткерлік конкурс, «Айбын жұлдызы» мен «Смарт сарбаз» байқаулары, әскерлендірілген эстафета, белтемірге тартылу, қару жарақты шәшіп жинау, қарудан оқ атудағы дәлдік пен жалпы әскери қорғаныс костюмін кию сонымен қатар белгілі тұлғалармен кездесулер және «Айбын жалыны» алау алаңында гитарамен ән шырқап, салтанатты салютпен аяқталды.

24 маусым «Айбын» әскери-патриоттық жастар жиынының қорытындысы жасалып жеңімпаздарды марапаттау рәсімі салтанатты түрде өтті.

Біздің команда қару жарақты шәшіп жинаудан Жас Сарбаз Кусаинов Улан I жүлделі орын, «SMART SARBAZ» өнертапқыш байқауы бойнша Жас Сарбаз Донченко Артур II жүлделі орын, қарудан оқ атудан Жас Сарбаз Нығыметжанов  Әлімжан II жүлделі орын, жалпы әскери қорғаныс костюмін киюден әлияшы Абдуалиева Ақжүніс жүлделі II орынды қоржыңға салып жалпы 19 командалардың арасында біздің командамыз жүлделі III орынды жеңіп алды. Команданың жетекшілері Рахимжанов Ерлан Толегенович, Байпакпаев Алибек Муратович, 3 санаттағы әскери полиция сержанты Сауырбаев Бауржан,  әскери полиция сержанты Жаксылыков Бахытжан Орымбекович.

Команданың құрамы: Ахметқан Шерхан, Әбдікамал Дулат, Дюсембин Эльдар, Донченко  Артур, Егінбаев Абзал (бөлімше командиры),  Иргебаев Диас, Кусаинов Улан, Ермек Мансур, Нығыметжанов  Әлімжан, Сәдуакас Рамаза, Абдуалиева Ақжүніс, Балакшиева Кристина, Жанат Айнұр, Расметова Диана, Садвокасова Адель.

Мектеп әкімшілігі атынан ҚР ҚК әскери полициясы Бас Басқармасының басышылығына, «Айбын-2022» әскери-патриоттық жастар жиынының ұйымдастырушыларына, Жас Сарбаздарымыздың ата-аналарына, Жас Сарбаздарға алғыс білдіреміз.

ЖЕҢІСТЕРІҢІЗ ҚҰТТЫ БОЛСЫН!

Е.Рахимжанов