2022 жылғы 16 наурызда Нұркен Әбдіров мектебінде Наурыз мейрамын өткізу жоспарына сәйкес өлкетанушы ұстаз, тарихшы және зерттеуші ғалым Жұмағали Диярұлы Мағзимен кездесу ұйымдастырылды. «Сыр сандық» жаңа әнінің авторы, Қарағанды технология және сервис колледжінің директоры Жұмағали Диярұлы Мағзи мектеп оқушыларымен кездесуде «Тарих таразы» атты еңбегі туралы айтып, жазылу тарихына қысқаша шолу жасады.
Бұл туынды Шет ауданының іргелі ауылдарының бірі Нілді, Өспен ауылының тарихына, өткен өмір, еткен еңбек жолына арналған ғұмырнама. Өңіріміздің тарихынан, мәдениетінен, ғылымынан, табиғатынан сыр шертетін ерекше басылымдарды оқушыларымыз білуі тиіс.
Кездесуге келіп, өз өнегелі өмірімен үлгі боларлық әңгімесі үшін ғалым ағамызға алғысымызды білдіреміз!