«ТӘУЕЛСІЗДІК, ҰЛТТЫҚ ҰЛАН
30 ЖЫЛ
БАЛАЛАР БОЛАШАҒЫМЫЗ»
Мемлекет басшысының жариялауымен биылғы 2022 жыл «Балалар жылы» болып жарияланған.
Бүгінгі жастар - еліміздің ертеңгі болашағы. Сол ұрпақты саналы да білімді етіп тәрбиелеу - төл міндетіміз. Соның бірі - патриоттық тәрбие мәселесі. Бұл адамзат тарихында ұрпақтан - ұрпаққа жалғасып келе жатқан ұлы мақсат. Жас ұрпақты Отанына, халқына, еліне, жеріне деген сүйіспеншілікке тәрбиелеп, олардың бойына сіңіріп қалыптастыру халық тәрбиесінде жетекші орын алады. Патриоттық тәрбие беру арқылы оқушының саналы сезімін көзқарасын қалыптастырады.
Осы орайда 2022 жылдың 1 сәуірінде Қазақстан Республикасының Ұлттық ұланы басшылығының қолдауымен Қарағанды қаласы «Аманат» концерттік залында Қазақстан Республикасы Ұлттық ұланы Әскери дирижерлары, Қарағанды қаласының мамандырылған музыкалық мектеп интернаты, Нұркен Әбдіров атындағы жалпы білім беретін мектебі және Қ. Байжанов атындағы концерттік бірлестігі солистерінің қатысуымен «ТӘУЕЛСІЗДІК, ҰЛТТЫҚ ҰЛАН 30 ЖЫЛ БАЛАЛАР БОЛАШАҒЫМЫЗ» атты концерттік бағдарламасын Қарағанды қаласы мектеп оқушаларына «Балалар жылы» қарсаңында сыйға тартты.
Үлкен іс-шараны ұйымдастырып біздің Жас Сарбаздарымыз бен ұастаздар қауымына тамаша концерттік бағдарламаны сыйға тартқаны үшін Қазақстан Республикасы Ұлттық ұланы Орталық өңірлік қолбасшылығынының қолбасшылығына, Ұлттық ұланы әскери дирижерларына сонымен қатар 6505 әскери бөлімінің басшылығына Нұркен Әбдіров атындағы ЖББ мектеп ұжымы атынан алғысымыз білдіреміз. Алдағы уақытта Қазақстан Республикасының Ұлттық ұланы әскери оркестірлер ұжымына творчествалық табыс тілейміз.
Авторство:
