Н.ӘБДІРОВ АТЫНДАҒЫ МЕКТЕПТІҢ ҚҰРМЕТТІ АТА-АНАЛАРЫ!

         2021-2022  жаңа оқу  жылының басталуына  екі апта мерзім қалды.    Осы оқу жылында білім   процесіне бірқатар  өзгерістер  енгізілді. Қазіргі уақытта  педагогтар 1 қыркүйекке  қызу дайындық  үстінде: олар оқулықтарды таратып, оқу кабинеттерін карантин талаптарына сәйкес жабдықтады. Мектептегі оқу процесінің қауіпсіздігін қамтамасыз ету үшін, мұғалімдер мен қызметкерлердің 100%-ы короновирус инфекциясына қарсы вакцинацияланды.  

         Н.Әбдіров атындағы мектептің ұжымы жаңа оқу жылының штаттық форматта өтуіне толық келіседі және тұрақты түрде жаңа оқу жылын бастауға дайын болғандықтан, мектептің барлық қызметкерлері мен техникалық персоналы вакцинациялаудың толық процедурасынан өтті, сонымен қатар дәстүрлі формада біздің оқушыларды қабылдауға, оқытуға толығымен дайын.

         Мектеп педагогтары қашықтықтан оқытуды дәстүрлі оқытумен теңестіруге болмайды деп санайды.  Мектеп  жағдайындағы балалардың қарапайым  қарым-қатынасының  өзіндік тәрбиелік, тұлғалық, эмоционалдық  маңызы бар, сондықтан  біз баланың өсуіне, тәрбиеленуіне және  тұлғалық қалыптасуына  маңызды  әсер ететін ортаны балалардан  алмауымыз керек.

        Біздің ата-аналарымызды келе жатқан жаңа оқу жылымен құттықтаймын! 

                                     Құрметпен   Баграмова Гульшат Тлеукабыловна.