2021 жылдың 10 сәуірінде Zoom платформасында бейнеконференция режимінде республикалық мектеп спорт клубтарын ұйымдастыру мәселелері бойынша семинар-практикум өтті. Бұл семинарға біздің мектемізден дене шынықтыру пәнінің ұстаздары Рахимжанов Ерлан Толегенович және Бутузова Татьяна Васильевналар қатысты.

    Семинарға қатысушылар Мектеп спорт федерациясының басшылығымен сертификаттармен және әдістемелік құралдармен марапатталды.

    Жақын арадағы семинарлар аясында Сингапур мен Францияның үздік педагогтарымен тәжірибе  алмасу өтеді.

   Біздің мектебіміз республикалық «Мектеп спорт федерациясы» (Мектеп спорт клубы) қатарына 2021 жылдың 29 наурызында кірген болатын.

   Мектеп спорт федерациясы жүйесіне кіретін, мектептегі спорт  клубы ерікті балалар-жасөспірімдер және дене шынықтыру-спорт  ұйымы  деп танылады. 

    Мектептегі спорт клубының негізгі мақсаттары:

       мектептегі дәстүрлі және танымал спорт түрлерін дамыту; 

       салауатты өмір салтын насихаттау.  

  Клубтың міндеттері: 

       оқушыларды  дене  тәрбиесі  мен  спортқа  жаппай  тарту,  оларды 

ынталандыру  мен  денсаулықтарын  нығайтуға  тұрақты  қызығушылықтарын қалыптастыру; 

       сабақтан  тыс  уақытта  дене  шынықтыру  және  спорт  жұмысын 

ұйымдастыру. 

  Клуб өз қызметінде келесі функцияларды орындайды: 

       тұрақты  спорт  секциялары  мен  қызығушылығына  қарай  топтарды 

ұйымдастырады; 

       дене шынықтыру-сауықтыру және спорттық іс-шараларын өткізеді; 

спорт  түрлері  бойынша  командалар  құрады  және  олардың  әртүрлі 

деңгейдегі жарыстарға қатысуын қамтамасыз етеді; 

       дене  шынықтыру,  спорт,  салауатты  өмір  салтын,  оның  ішінде  клубтың негізгі идеяларын насихаттайды; 

       бұқаралық ақпарат құралдарында клубтың жетістіктерін жариялайды; 

       еріктілер қозғалысын дамытады; 

       клубтың материалдық-техникалық базасын кеңейтеді және нығайтады. 

          Клуб  жұмысының  негізгі  формалары  жыныстарына  қарай,  дене 

шынықтыру және спорттық дайындық деңгейлерін ескере отырып,  секцияларда, топтарда және командаларда сабақтар болуы мүмкін.