Ө.А.Байқоңыров атындағы жыл сайынғы «Төртінші өнекәсіптік революция дәуіріндегі тәрбие мен білім беру» республикалық ғылыми-практикалық конференциясы өтті. 

Жобаның атауы: «Қашықтықтан оқытуда   оқушылардың бойына рухани   құндылықтарды қалыптастыру»

Авторлары: Керембаева Д.Н., қазақ тілі мен әдебиеті пәндерінің мұғалімі

                       Жилкишенова А.Е., қазақ тілі мен әдебиеті пәндерінің мұғалімі

                       Нургалиева Ж.А., қазақ тілі мен әдебиеті пәндерінің мұғалімі

№58 ЖББОМ Қарағанды қ.

   Бүгінгі таңда білім саласындағы өзекті мәселенің бірі - қашықтықтан оқыту. Ұлт болашағы – ұрпақтарымыздың денсаулығын сақтау үшін барлық талаптарды сақтап, қашықтықтан оқыта отырып,  оқушының өздігінен білім алуына, еңбектенуін арттыруға мүмкіндік берді. Жаңаша оқыту жүйесі заман талабына жатады. Оқыту үдерісінде өзгеріс енбейінше, нәтиже де болмайтыны белгілі. Сондықтан жаңа жүйені меңгеру біздер үшін де, оқушыларға да тиімді деп есептейміз. Жаңа білім беру ресурстары қазіргі таңдағы жаңашыл мұғалімнің күнделікті сабақты және сабақтан тыс жұмыстарын ұйымдастыруда таптырмас құралы екенін айта кеткіміз келеді. Онда пәнге деген қызығушылықты арттыратын көптеген дидактикалық және үлестірмелі материалдар, әр түрлі деңгейдегі тест тапсырмалары мен тәлімдік, тағылымдық ресурстар қамтылған.