"Айбын" VI республикалық әскери-патриоттық жастар жиынының үшінші "Смарт Сарбаз" онлайн өнертапқыштар байқауы өз мәресіне жетті. байқаудың негізгі мақсаты - өскелең ұрпақтың жоғары технологиялар саласына қызығушылығын арттыру әрі олардың өздерінің әуелетін жүзеге асыруы болатын. Байқауға қатысушылар өздері қолдарымен жасаған роботтарымен таныстырды. Олардың көпшілігі төтенше жағдайларды, өрт сөндіру, миналарды іздеу мен тазарту кезінде және басқа жағдайда адамды алмастыра алады. 

   Өзінің роботын Қарағанды қаласының оқушысы "Жас ұлан" әскери-патриоттық клубының мүшесі Абзал Егізбаевта паш етті. Қазылар алқасы үш ай бойы іріктеу жұмыстарын жүргізіп, Ұлттық ұлан атынан жарысқа түскен Абзалды Қазақстан Республикасы Қарулы Күштері және әскери құрылымдарының әскери-патриоттық клубтары арасында өткен сайыста үздік деп танылды. 

   Мектеп оқытушысы Ерлан Рахимжановтың айтуынша, Абзал сыныптастарының арасында озат оқушы. Жастайынан физика-математикалық қабілетке ие. Жарысқа қатысқан 17 қатысушының ішінде оқ бойы оза шығып, жеңімпаз атанды.

   Жас ұландық өзінің тапқырлығы үшін "ITeenager" сертификаты және басқа да сыйлықтармен марапатталды. Ұлттық ұланның атын интелектуалды жарыстарда шығарған жас өнертапқышқа бізде өз құттықтауларымызды білдіріп, болашақ өміріне сәттілік тілейміз.