Отбасы құндылықтарын қалыптастыру, улкен ұрпақтың адами тәрбиесінің тәжірибесін қалыптастыру, өз отбасының тарихын білу, сұранысты дамыту, балаларды моральдық тұрғыдан дамыту, адамгершілік тұрғыдан өзін-өзі қалыптастыру және өзінің іс-әрекетіне анализ жасау, өзін-өзі тәрбиелеу, патриоттық және азаматтық тәрбиені дамыту ол әр азаматтың міндеті. Осы тұрғыда 2019 жылдың 25 қазан күні №58 жалпы білім беретін орта мектебінде 1-11 сыныптар арасында «Отбасы -тәрбие басы, мектеп – тәрбие жаршысы» атты бірыңғай сынып сағаты өткізілді. Сынып сағатының мақсатыотбасы тәрбиесі мәселелерінің өзектілігі, оқушылардың отбасындағы алатын білімін ауқымдату, әр адамның отбасындағы тұлға екендігін анықтау, баланың тұлға ретінде қалыптасуына отбасының рөлінің маңыздылығы, оның патриоттық көзқарасы.  Сынып сағаттарына арнайы ата-аналар шақырылып 1-4 сыныптар «Менің қымбатты және сүйіктілерім»,«Бақытты адам өз үйінде бақытты», 5-8 сыныптар «Менің отбасымның тарихы», «Менің сүйікті туыстарым» тақырыбында отбасылық фотосуреттер көрмесі ұйымдастырылып фильмдер мен бейнематериалдар көрсетіліп, ата-аналармен тренинктар ұйымдастырылса, ал9-11 сыныптар  «Менің шежірем», «Менің отбасымның естелік күндері» атты өз отбасылары туралы әңгіме-презентациялар ұйымдастырылды.