Құрметті ата-аналар!

 

 

 

№ 37 ЖББОМ КММ ағымдағы жылы әлеуметтік осал отбасылардан шыққан балаларға әлеуметтік көмек мектеп формасы және кеңсе тауарлары түрінде көрсетілетінін хабарлайды.

 

Көмектің бұл түрі келесі санаттарға көрсетіледі: 

 

      1) Мемлекеттік атаулы әлеуметтік көмек алуға құқығы бар отбасылардан шыққан балаларға;

 

      2) мемлекеттік атаулы әлеуметтік көмек алмайтын, жан басына шаққандағы табысы ең төмен күнкөріс деңгейінің шамасынан төмен отбасылардан шыққан балаларға;

 

      3) жетім балаларға және ата – анасының қамқорлығынсыз қалған, отбасыларда тұратын балаларға;

 

      4) төтенше жағдайлардың салдарынан шұғыл жәрдемді талап ететін отбасылардан шыққан балаларға;

 

      5) білім беру ұйымының алқалы органы айқындайтын білім алушылар мен тәрбиеленушілердің өзге де санаттарына жатады .

 

Ол үшін ата-аналар (заңды өкілдер) бала оқитын мектепке құжаттар пакетін ұсынуы қажет.   

 

Мемлекеттік атаулы әлеуметтік көмек алмайтын отбасылардың жан басына шаққандағы орташа табысы ең төмен күнкөріс деңгейінен 31183 теңгеден аспауы тиіс.  

 

Қажетті құжаттар:

Өтініш;

АӘК үшін: өтініш берушінің (отбасының) Мемлекеттік атаулы әлеуметтік көмек алушыларға тиесілігін растайтын анықтама;

Жан басына шаққанда орташа табысы күн көріс деңгейінен төмен, мемлекеттік атаулы әлеуметтік көмек алмайтын отбасылардан шыққан балалар үшін: алған табысы туралы мәліметтер (жұмыс істейтін ата-аналардың немесе оларды алмастыратын адамдардың жалақысы, кәсіпкерліктен және басқа да қызмет түрлерінен түсетін кірістер, балаларға және басқа да асырандыларға төленетін алимент түріндегі кірістер);

Жетім балалар мен ата-анасының қамқорлығынсыз қалған балалар үшін:қорғаншылықты (қамқоршылықты), жетім балалар мен ата-анасының қамқорлығынсыз қалған балаларға патронаттық тәрбиені бекіту туралы уәкілетті органның шешімі;

білім беру ұйымының алқалы органы айқындайтын білім алушылар мен тәрбиеленушілердің өзге де санаттарына:отбасының материалдық-тұрмыстық ахуалын зерделеу негізінде алқалы орган айқындайды. Қажет болған жағдайда алқалы орган көрсетілген санаттарға қаржылық және материалдық көмек көрсету туралы шешім қабылдау үшін қажетті құжаттарды сұратады.

Құжаттарды қабылдау 2020 жылдың 25 маусымына дейін. Қабылдау уақыты: сағат 09.00-ден 17.00-ге дейін. Сенбі сағат 09.00-ден 15.00-ге дейін. Байланыс телефондары: 8-705-160-23-07. Мектепте болу кезінде мыналарға қатаң масочный режимі.

 

 

 

                                                                                                                                            Мектеп әкімшілігі