2026 жылғы 10 ақпанда №79 негізгі орта мектебінде екінші сабақтан кейін дәстүрлі түрде жалпымектептік сергіту сәті өткізілді.

Іс-шара білім алушылардың салауатты өмір салтын қалыптастыру және денсаулығын нығайту бағытындағы жұмыстар аясында ұйымдастырылды.         Дене шынықтыру пәні мұғалімдерінің жетекшілігімен оқушылар мен педагогтер оқу сабақтарынан кейінгі шаршауды басуға және жұмысқа қабілеттілікті арттыруға бағытталған қарапайым, бірақ тиімді жаттығулар кешенін орындады.

Жалпымектептік сергіту сәті мектебіміздің игі дәстүріне айналды. Мұндай        белсенді үзілістер баршаға күш-қуат жинап, жағымды көңіл күй сыйлап, оқу күнін көтеріңкі көңіл күймен жалғастыруға мүмкіндік береді.

Мектеп әкімшілігі мұндай іс-шараларды тұрақты түрде өткізу оқушылар ұжымының бірлігін нығайтып, салауатты өмір салты мәдениетін қалыптастыруға ықпал ететінін атап өтеді.