№92 гимназия алаңында сағат 10:00-де білім әлеміндегі дәстүрлі мерекенің бастысы, «Мен өз елімнің патриотымын!» атты алғашқы қоңырау салтанатты жиыны өтті. Жиын барысында биылғы оқу жылының мемлекет басшысы Н.Назарбаевтың «Болашаққа бағдар: рухани жаңғыру» тақырыбындағы мақаласында қозғалған елді рухани жаңғырту мәселелерімен және ЭКСПО халықаралық көрмесінің өтуімен ерекшеленетіндігі айтылды. Гимназия директоры Сейтимбетова Қоланшаш Төлековна, Республикалық «Жас ұлан» ұйымының Қарағанды облысы бойынша жауапты хатшысы Абдрахманова Майра Төлеубекқызы, облыстық оқу-әдістемелік орталығының бас маманы Калекина Бақытгүл Аманжоловна, 1 сынып оқушыларының ата-аналары атынан Токмурзина Индира Жанұзаққызы оқушылар мен ұстаздар қауымын, ата-аналарды білім күнімен құттықтап, мектепке алғаш қадам басқан бүлдіршіндерге сәттілік тіледі.