№ 92 гимназияның 3 «А» сыныбында 24 сәуір күні «Жол тәртібін білейік, аман-есен жүрейік!» тақырыбында сынып мұғалімі Турганова Сания Бахышқызы арнайы сынып сағатын өткізді. Себебі бүгінгі күні біздің елімізде әр түрлі көліктер жылдан- жылға көбейіп келеді. Жаяу адамдар мен көліктегі жолаушылар саны да көбейе түсуде. Көшелер мен жолдардағы жағдай барған сайын күрделеніп келеді. Жол - көлік оқиғаларының қаупі арта түсуде. Жүргізушілер мен жаяу адамдардың көшелер мен жолдарда ерекше тәртіпті және мұқият болуы қажет. Сондықтан да бүгін жолда жүру ережесін есте сақтауға, оқушыларға жол белгілерін неше түрі бар, оны білу не үшін қажет, бағдаршамның, жол белгілерінің атқаратын қызметі қандай екенін үйрету мақсатында тәрбие сағатын жүргізіп отырмыз. Мақсатымыз оқушыларға жол ережесін сақтап, барлығымызға ортақ қойылған тәртіпті бұзбауға тәрбиелеу.