Эстетикалық апталық аясында көркем еңбек пәнінің мұғалімі Шалмагамбетова Гаухар Мейрамовна ұстаздарға арналған «Этно стильдегі түйреуіш» атты шығармашылық шеберлік сыныбын өткізді.
Шеберлік сыныбының басты мақсаты – ұлттық қолөнердің құндылықтарын дәріптеу, қазақ халқының бай мәдени мұрасын заманауи сән үлгілерімен ұштастыру және шығармашылық қабілеттерді дамыту.
Іс-шара барысында қатысушылар этностильдің ерекшеліктерімен танысып, ұлттық ою-өрнектерді қолдана отырып, өз қолдарымен ерекше әрі сәнді түйреуіштер жасады. Шығармашылық жұмыс барысында әрбір қатысушы өз қиялын ұштап, ұлттық нақыштағы бұйымға өзіндік қолтаңбасын қоса білді.