23-қарашада «Тәуелсіздік – Алаш ұрпағы» айлығының жоспарына сәйкес 3 «А» сыныбында «ХАЛЫҚ МҰРАСЫ» атты квест ойыны өткізілді.
Мақсаты: биылғы атаулы мерекелерге орай халық қалаулыларының еліміз үшін атқарған еңбектері туралы әңгімелеу, халғымызға жеткен асыл мұраларын көздің қарашығындай қорғау, ынтымақтастыққа тәрбиелеу.
Міндеттер:
Ұлттық тіліміз бен зиялы тұлғамыз Ахмет Байтұрсынұлының шығармашылығын насихаттау;
Қазақ халқының даналық сөздерінің мағынасын түсіну;
Оқушылардың көркем әдеби тілде сөйлеп, ойлау қабілетін дамыту;
Халқымыздың мәдени мұрасының, ұлағатты сөздерінің тәрбиелік мәнін ұғыну.
Сабақтың басында оқушыларға биылғы 2022 жылдағы атаулы даталар туралы түсінік беру мақсатында интерактивті тақтадан деректі фильм, презентация көрсетілді. Сынып оқушылары квес тапсырмалары бойынша:
І аялдама «Құра, жаңылмай айт» айдарымен гимназия кітапханасында Ахмет Байтұрсынұлының Ақкөл жағасындағы балалармен өткізген жаңылтпаштар сайысы желісімен, жаңылтпаштар құрастырып, жаңылмай, қайталап жатқа айтып берді.
ІІ аялдама «Өлең сөздің патшасы» айдары бойынша мұғалімдер бөлмесіне барып, ақындарымыздың тіл, білім туралы өлеңдерін айтып берді.
ІІІ аялдама «Іздеген жетер мұратқа» айдары бойынша информатика кабинетіне барып, Ахмет Байтұрсынұлы туралы мәліметтер жинастырды.
ІV аялдама «Білгенге маржан» айдары бойынша гимназия мұражайына барып, мақалдар негізінде тұскиіз құрастырды.
Ойынның оқушыларға берері мол болды.
Авторство:
