18.04.17 күні 3«Ә», 2«А,Ә» сыныптарында ашық тәрбие сағаттары өтті. 3«Ә» сыныбында «Табиғатты аялайық!» тақырыбында топтық жұмыс, 2«А» сыныбында «Мен – табиғаттың бір бөлшегімін!» атты тәрбие сағаты,  2«Ә» сыныбында екі бөлімнен тұратын «Құстар біздің досымыз!»тақырыбында  ашық сабақтар өтті. Сабақтың бірінші бөлімі әдеби-монтажды сабақ түрінде болса, екінші бөлімі сайыс түрінде өтті. Тәрбие сағаттары мақсатына жетіп, бастауыш сынып оқушылары жұмбақтар шешуде, сұрақ-жауап барысында тапқырлықтарын көрсете отырып, дүниетанымдарын одан әрі дамытты. Сонымен қатар оқушылар өнерлерін ортаға салып, зор қошеметке бөленді.