«Тәжірибедегі рефлексия» № 18 жалпы білім беретін мектептегі педагогика кадрларының кәсіби даму бағдарламасы аясында «Қалай оқу керектігін үйренудің мәні. Мұғалімнің оқушылардың қалай оқу керектігін үйрену қабілеттерін дамыту жөніндегі әрекеттері»  осы  тақырыпта сабақ өткізілді.  Мақсаты:. Мұғалімдер балалар өз оқуы туралы білетін және өзінің эмоцияларын, ынтасы мен әлеуметтік қарым-қатынасын басқару үшін көбірек мүмкіндік алатын, өзін-өзі реттейтін оқушы ретінде дамуына ықпал ететін шарттар мен факторларды зерделейді. Оқу нәтижесі: Мұғалімдер өзін-өзі реттейтін оқудың мәні мен маңызы туралы қорытынды жасайды. Оқушылардың өзін-өзі реттейтін оқуын көрсететін мінез-құлықты бақылайды және бағалайды. Сонымен қатар өзін-өзі реттейтін оқуға ықпалын тигізетін кәсіби тәжірибе түрлеріне талдау жасайды.Сабақ барысында  қолданылған әдіс-тәсілдер: зейінді шоғырландыруға арналған жаттығу «Кім көп сақтайды?»,ой шақыру,аялдама әдісі, бейне жазба, топтық жұмыстар, постер қорғау, бағалау, рефлексия «Бес саусақ».