№23, 54, 41, 76, 18 мектептер арасындағы желілік қоғамдастықтың жылдық жоспарына сәйкес, мектебімізде ашық есік күні өтті.

Тақырыбы:«Оқу мен оқытудағы тиімді әдіс-тәсілдер» ашық есік күні

Мақсаты:Бағдарламада оқып үйренген әдіс-тәсілдерді сабақ барысында қолдану.

Ашық есік күнінің бағдарламасына сәйкес 2 ашық сабақ, 1 ата-аналармен треннинг және соңында қорытынды жасау үшін ұстаздармен рефлексия өтті.

Ашық сабақтарға тоқталсақ, мектебіміздің 3-ші деңгейді аяқтаған математика пәні мұғалімі Сагимбекова Айнур Сериковна 10-шы сыныпта геометрия пәнінен «Призмалар мен пирамидалардың жазықтықпен қималарын салу» тақырыбында ашық сабақ өткізді.

Сабақтың мақсаты:Призмалар мен пирамидалардың жазықтықпен қималарын салу әдістерін есептер шығаруда қолдана алу.

Сабақ барысында көптеген тиімді тәсілдер қолданды. Сабаққа бағалау критерийлері қойылды. Сергіту сәті кезінде PISA  үлгісіндегі есептер шығарылды. Сабақ өте жақсы өтіп, өз мақсатына жетті.

Екінші сабақты мектебіміздің бастауыш сынып мұғалімі, жас маман, әрі тәлім алушы Амирова Қарлығаш Нұрлановна 1-ші сыныпта өткізді. Бұл ұстаз 1-ші сыныптың жаңартылған бағдарламасын меңгеріп, тәлімгерінен оқып үйренген әдіс-тәсілдерді барынша қолдана алды.

Сабақтың тақырыбы:«Мен және табиғат. Е дыбысы мен әрпі».

Сабақтың мақсаты: Әріпті тану, ажырату және оны дыбыспен сәйкестендіру.

Сабақта топтық және жұптық жұмыстар жүргізілді. Барлық тапсырмалар баланың жас ерекшелігіне сай құрастырылған. Оқушылар образға еніп, белсенділік танытты.

Ашық сабақтар өткеннен кейін, бастауыш сынып мұғалімі Башаева Камшат ата-аналармен «Баланың бас ұстазы ата-ана» атты тренинг өткізді. Топқа бөліну арқылы ата-аналар өз балаларына қалай қамқор болатынын, қандай ақыл-кеңестер беретіні туралы ой пікірлер айтты. Шағын бейнероликтер көрсетіліп, ойындар ойнатылды.

Сабақтарды талдау барысында рефлексия кезінде қатысқан мұғалімдер өз ойларын айтып, өте жақсы деген баға берді.