Мектебімізде 22 қырқүйек пен 29 қыркүйек аралығында  «Тілі бірдің-тілегі бір» атты тақырыпта апталық өтті.

    Мақсаты: Оқушылардың ана тіліне сүйіспеншілігін арттыру, таза, шешен сөйлеуге, елін, тарихын,тілін сүюге, басқа ұлттың тілін, мәдениетін құрметтей білуге, толеранттылыққа тәрбиелеу.

   Апталық аясында Тіл-жаның, тіл-қаның, тіл-арың, тіл-әнің» атты тақырыпта мектеп кітапханасында дөңгелек үстел, «Турнир знатаков русского языка» атты сайыс, «Білімді ұрпақ-болашақтың кілті» атты тақырыпта 1-4 сынып аралығында сайыс, «Мен ағылшын тілін қалай білемін» атты сайыс 5-6 сынып оқушылары арасында  білім сайысы, «Тәуелсіздік-тірегім» қалалық шығармашылық жұмыстар байқауының ережесіне сай «Тәуелсіздік елімнің ерлік жолы» атты тақырыпта шығармашылық жұмыстар өткізіліп, үздік деп танылған бір өлең, бір эссе жұмысы қалалық байқауға жолдама алды.

    Апта бойы мектеп кітапханасында «Тіл-халық қазынасы» атты тақырыпта көрме жұмыс жасап тұрды.

     22 қыркүйек пен 29 қыркүйек аралығында өткізілген барлық іс-шара оқушылардың туған халқының тілін қастерлейтін саналы да парасатты азамат болып қалыптасуына, танымдық қабілеттерінің артуына үлес қосатын маңызы зор  қазына болды