Мектебімізде тілдер мерекесіне орай ағылшын тілі пәні мұғалімдері Тулеубекова Ж.Т., Салдатхан К., Айтимбетова Д.Д. ұйымдастыруымен 6 және 7-ші сыныптар арасында «Мен ағылшын тілін қалай білемін?» атты сайыс өткізілді.

    Сайыстың мақсаты оқушылардың пәнге деген қызығушылықтарын арттырып, тілді қандай дәрежеде білетінін анықтау. Сонымен қатар оқушылардың ағылшын тілінде сөйлеу мәдениетін дамыту, өз ойларын толық жеткізуге тәрбиелеу.

    Сайыс 4 кезеңнен тұрды. Сайыс басында оқушылар әріптерден сөз құрастырып, өз команда атауларын құрды. Сонымен «Kazakhstan» және «Britain» атты 2 топ құрылды. Әр топ өз елі туралы қысқаша мағлұмат беріп, әр қатысушы өздерін таныстырды.

    Келесі кезең «Ағылшын тілі грамматикасы» деп аталды. Оқушылар граммматика саласынан бар білімдерін қолданып, берілген тапсырманы жақсы орындап шықты.

   3-ші «Сөздік» кезеңінде әр топқа «Motherland» сөзі беріліп, оқушылар осы сөзден мүмкіндіктерінше сөздер құрастырды.

  4-ші кезеңде әр топ өзіне берілген мәтін бойынша жұмыс жасап, сұрақтарға жауап берді.

  Сайыс соңында әділ қазылар мүшелерінің шешімі бойынша екі топ бірдей ұпай жинап, ағылшын тілінен көрсеткен білімдері үшін алғыс хатпен марапатталды.