Жаратылыстану  пәндер бірлестігінде 06.04.16 күні  7 сыныптарға  физика пәні мұғалімі  Коныратова Н.Б  «Жас физиктер» атты сайыс өткізді. Бұл іс-шараның мақсаты физикалық білімдерін  өмірде қолдануға бейімдеу, ізденімпаздыққа тәрбиелеу болды. Оқушылар екі топқа бөлініп, жүргізуші  сайыс кезеңдерімен таныстырды. Топтардың сәлемдесуінен кейін, білімділер, физикалық жұмбақтар сайысы, сөзжұмбақтар сайыс кезеңдері ретімен өтті. Сосын  зерделілер атты кезеңде әр топ құрал-жабдықтарды пайдаланып тәжірибе жасап,  физикалық мағынасын түсіндірді. Келесі кезеңде  оқушылар  физикадан логикалық есептер шығарудан жарысып, одан кейін  торкөздерден қажетті сөздерді пайдаланып, физика заңдылығын шешті. Сайыс кезеңдерінің нәтижесі бойынша 7 «ә» сынып оқушысы Амирбеков Ерасыл «Жас физик» атағына ие болды. Сайыс оқушылардың тәжірибе жасауға қызығушылығын туғызды.