Биология пәні мұғалімі   Жүнісбекова  М.Н  16.04.16 күні   7-10 сыныптарға арналған  «Химиялық заттардың адам денсаулығына әсері» атты  конференция өткізді. Оқушыларды зерттеушілік жұмысына бейімдеу мақсатында өткізілген бұл шараға оқушылар түрлі тақырыптарда өз жұмыстарын ұсынды. Мысалы ұзақ сақталатын тағамдар құрамындағы канцерогендердің, күнделікті тұрмыста қолданылатын жуғыш заттардың, автомобильден шығатын зиянды заттардың және заманауи құрылыс заттарының  тірі ағзаларға әсерлері туралы презентациялар  көрсетілді.Конференция соңында пән мұғалімі катысушыларға химиялық заттармен уланудың алын алу шаралары туралы мәлімет беріп өтті.