«Жасөспірімдердің  ҰБТ тапсыруға  дайындығы  кезінде ата- аналарға психологиялық көмек көрсету» тақырыбындағы Ата -Аналар Конференциясы.

Мақсаты:

• Мектеп пен отбасы арасындағы қарым-қатынасты нығайту
• Қоғамдағы отбасының рөлін арттыру;
• Ата-ананың жауапкершілігін насихаттау
• Балалардың ҰБТ тапсыруға дайындығы кезінде ата-аналардың көмек көрсетулеріне кеңес беру және психологиялық дайындау;

16.05.2015 ж. күні ата-аналар конференциясы өтті. Бұл конференцияға  «Нұр Отан» партиясының өкілі Ижикенова Клара Насиповна,мектеп директоры, мектеп әкімшілігі және пән мұғалімдері  қатысты. Барлығы 20 ата-ана қатысты.Психологиялық көмек барсында қарапайым есте қаларлық үш «Қ» заңы ұсынылды.Бірінші: жағдайды құрметтеу; Екінші:баланы құрметтеу

Үшінші: қамқоршыл болуға тырысыңыз;

Жасөспірімдерді қолдаудағы ата-аналар стратегиялары ұсынылды:

      АТА-АНАЛАР ҚОЛДАУЫНЫҢ БІРІНШІ СТРАТЕГИЯСЫ: Өз балаңызға көбірек жымиыңыз!  Бір кездері америкалық «Кип смайлинг» (аудармасы «күлкіні ұстаңыздар!») ұраны кекесін туғызған еді. Бірақ қазір балаға түнерген бет әлпетімен айтылған сөз қаншалықты жақсы болса да, оның жанын жадыратпайтындығы барлығына мәлім. Адам жанының қақпасы – оның көздері, ал оны күлкі ашады! Сондықтан күлуді ұмытпаңыздар! Әрқашан сіздердің көздеріңізден өз балаларыңызға деген махаббат жылуы төгіліп тұратын болсын!

            ЕКІНШІ СТРАТЕГИЯ. Балаңызбен көбірек сөйлесіңіз! Оның барлық сұрақтарына жауап беріңіз! Оның үрейлері мен қорқыныштарын талқылаңыз! Баламен әңгімелесуге уақытыңызды аямаңыз! Өйткені тап қазір бұл оған аса мұқтаж. Бала сіздің ілтипатыңызды өмір бойы естен шығармайтындығына және ол үшін әрдайым риза болатындығына сенімді болыңыз.

           Ата-ана қолдауының ҮШІНШІ СТРАТЕГИЯСЫ.Балаңызды құшақтауға сараңсымаңыз! Балаңызды құшақтаңыз – физикалық  байланыс тыныштандырудың сенімді құралы болып табылады; белгілі американдық отбасылық психолог Вирджиния Сатир: “Баланың жай ғана өмір сүруі үшін күніне төрт рет, ал дұрыс дамуы үшін, - он екі рет құшақтау керек”,-деп жазған.

Қарасаң барлығы қарапайым нәрсе сияқты! Балаңызды күнде құшақтаңыз!

           Ата-ана қолдауының ТӨРТІНШІ СТРАТЕГИЯСЫ. Баланың бойына дұрыс, уәждемелі, тыныштандыратын және өз-өзіне деген сенім ұялататын ата-аналық бата-тілек жасай біліңіздер! Ата-аналық бата-тілектің жақсы үлгілері: «Мен сенің барлығын жеңе алатындығыңа сенімдімін! Барлығы жақсы болады! Абыржыма, байсалды бол! Ұстамды бол! Сен – ақылдысың әрі күштісің! Мен сені мақтан тұтамын! Не болса да, біз сені жақсы көреміз! Сен біз үшін – ең тамашасың!».

Ата-аналарға пайдалы көптеген кеңестер, «Әке», «Ана» жайлы бейне материалдар көрсетілді.