2014-2015 оқу жылында 19.11.2014 күні  деңгейлік курсты бітірген мұғалімдер мектеп директорымен бірлесе отырып, мұғалімдерге деңгейлік курс бойынша  коучинг өткізді.

Мектеп ұжымында 3-ші деңгейлік курсты бітірген 3 мұғалім, 2-ші деңгейлікті оқып жатқан 1 мұғалім бар.  Ол ағылшын тілі пәнінің мұғалімдері: Айтимбетова Дана Дилмаханбетовна, Тулеубекова Жангуль Турсынбековна, география пәнінің мұғалімі: Жаканова Меруерт. Осы мұғалімдер  мектеп директоры Жазыбеков Абиш Сериковичпен бірлесе отырып, мектеп мұғалімдеріне  Cambridge  бағдарламасы бойынша қысқаша мағлұмат берді. Соның ішінде сабақ барысында қолданылатын 7 модульге айқын тоқталды. Ұжымдағы ынтымақтастық атмосфераны қалыптастыру мақсатында, мұғалімдер шаттық шеңберге тұрып, бір-біріне деген жылы тілектерін білдірді.  Мұғалімдір 5- топқа бөлінді. Деңгейлік курсты бітірген мұғалімдер аталған 7 модульді түсіндіру барысында, сабақтарынан фотосуреттер, оқушылардың жұмыстарын көрсетті. Коучинг барысында мұғалімдерге  сыныптағы ынтымақтастық атмосфераның қалыптасуы, бірлескен жұмыстың нәтижесі жайлы бейнежазбалар көрсетілді.

5 топқа 7 модульдің қолдануына  байланысты тапсырмалар берілді.  Әр топтың спикерлері шығып, өз жұмыстарын қорғады. Мұғалімдердің көңіл-күйлерін көтеру мақсатында сергіту сәті өткізілді. Топтар өзара  бір-бірін  бағалау үшін, «2 жұлдыз 1 тілек» стратегиясы  қолданылды. Коучинг соңында «6 ойлау қалпағы» стратегиясы арқылы  рефлексия жасалынды. Коучинг жоғарғы деңгейде өткізіліп, өз мақсатына жетті.