Мектебімізде  Халықаралық отбасы күніне орай оқушылардың бойында отбасы мүшелеріне, туған-туысқандарға деген сүйіспеншіліктерін арттыру мақсатында игілікті іс-шаралар өтті.                                                                                   Осы орайда мектеп кітапханашысы Месова Қарлығаш апай «Отбасы-қоғам тірегі»тақырыбында мазмұнды –мағыналы көрме жасады.Бейнелеу пәні мұғалімдері  «Менің отбасым-менің байлығым»тақырыбында қабырға газеттерінен көрме ұйымдастырылды.Байқауға бастауыш буын мен орта буын қатысып, ата-аналарына деген сүйіспеншіліктерін сырлы бояу  ұшымен білдіріп жатты. Сонымен қатар әр сыныпта «Менің бақытты  отбасым»тақырыбында сынып сағаттары өтті. Қарағанды қаласының әкімі Н.Әубәкіровтың ұйымдастыруы мен өткен «Ұлт болашағы-Ұлағатты отбасы» тақырыбында қалалық байқау өтті.Осы аталған қалалық байқауда математика пәнінің мұғалімі Р.Ж.Утемуратова және технология пәнінің мұғалімі М.М.Тулегенов  «Алтын отбасы» номинациясы бойынша  3 орын алғаны үшін марапатталды.

     Бүгінгі таңдағы ұстаздар алдындағы міндет – жас ұрпақты егеменді еліміздің тұтқасы болатын, жан-жақты дамыған азамат етіп тәрбиелеу. Бала өсті дегенше , батыр өсті десейші,батыр өнер білмесе,қапыл өсті десеші,-деп С.Дөнентаев айтпақшы,бала тәрбиесі тал бесіктен дұрыс болу керек. Олай болса,бақытты отбасы- келешек кепілі болмақ.