16.06.2014 – 28.06.2014ж.ж. аралығында «Достық» жазғы сауықтыру лагерінде балалар демалды. Бос уақыттарын тиімді және қызықты өткізу мақсатында жұмыс жүргізілді. Медбике, спорт жетекшісі, тәрбиешілер және бас тәрбиеші жетекшілік етті. 

Балалар 3 топқа бөлінді: 1 – топ «Балдырған»

                                           2 – топ «Балдәурен»

                                           3 – топ «Қыран»

         Әр топтың ұраны, әні болды. Топтармен жұмыс арасында сурет көрмесі, спорттық жарыстар, фантиктер шеруі, ермексазбен жұмыс, түрлі – түсті қағаздардан гүлдер жасату, биден жарыстар және ән айтудан жарыстар өткізілді. 

16.06 күні лагердің алғашқы күні, ашылу салтанатына концерттік бағдарлама ұйымдастырылды. 

         Оқушылардың денсаулығын нығайту мақсатында аптасына екі рет «Дельфин» бассейіне және аптасына бір рет «Молодежный» мәдениет үйіне би кешіне барды, уақытты өте көңілді өткізді. Балалардың танымдылығын дамыту мақсатында ойындар және тренингтар болды, оқушылар барлығына белсене қатысып отырды.

       Сонымен бірге мектеп жанында бейіндік лагері жұмыс істеді, онда балалар мектеп алдында көгалдандыру жұмысымен айналысты.

Табиғат аясын тамашалау мақсатында, серуендеуге шығып, балалармен қызықты ойындар ойнатып, әртүрлі жарыстар өткізілді. «Сарыжайлау» кино театрына фильм тамашалауға бардық, фильм оқушыларға қызықты да, ұмытылмас әсер қалдырды.

Өрт болған жағдайдағы қауіпсіздікті әрдайым сақтау мақсатында «Өрт сөндіру» мекемесіне саяхатқа бардық.

27.06 күні жабылу салтанатын концерттік бағдарлама қойылды. Лагерде осы уақыт аралығында белсене қатысқан балаларға алғыс хаттар және грамоталар табысталды, жабылу салтанаты бимен аяқталды. Балалар мәз болып, бір – бірімен қимастықпен тарасты. 

«Достық» жазғы сауықтыру лагері балалардың толықтай көңілінен шықты.