№18ЖББОМ-да 14.04 – 19.04.2014 ж аралығында эстетикалық пәндер бірлестігінің  апталығыөтті.  Апталықтың тақырыбы: «Дені саудың  - жаны сау».

Мақсаты: Оқушылардың денсаулығын нығайту, бүгінгі күнгі бәсекеге қабілетті етіп шыңдау.

14.04.2014 жылы дүйсенбілік тізілімде апталықтың ашылуы өтті.Тізілімде  оқушыларға  апталыққа оқушыларды белсене ат салысуға шақыру мақсатында бастауыш сыныптар арасында әр түрлі гимнастикалық жаттығудың пайдасын, қимыл қозғалыс мәдениетін көрсетті. 15.04 Сызу пәнінен пән мұғалімі Қ.М. Айтжанова «Қарапайым тетік бөлшектерінің эскиздерін орындау»тақырыбында ашық сабақ өткізді. Сонымен бірге апталықта  оқушылардың бейнелеу өнері бойынша балалар «Әлем балалар көзімен»  сурет көрмесі ұйымдастырылды.  16.04 күні дене шынықтыру  пәні  мұғалімі Х.Ш. Адамов 7 ә сыныбындағы қыздар арасында ашық сабақ өткізді. Сабақтың  тақырыбы: Жеңіл атлетика бойынша «Орнынан және жүгіріп ұзындыққа секіру». Сабақ өз деңгейінде өтті, оқушылардың  спорт формасы сақталды, мұғалім талап қоя білді, секіру барысында қауіпсіздік ережелерін сақтай білді. 17.04 күні дене шынықтыру пәні бойынша  10 сынып ұлдарымен пән мұғалімі С.Ж. Шакенов ашық сабақ өткізді. Тақырыбы: «Екпінмен ұзындыққа секіру», 17.04күні Б.Ж.Сулеймбеков дене шынықтыру пәні бойынша 8 ә сынып ұлдар арасында «Ұзындыққа секірудің техника элементтерін орындау және 60 м қашықтыққа жүгіру» тақырыбында сабақ өткізді. Мұғалімдер тақырыпқа сай жаттығулар жасатты, әдістемелік нұсқау көрсету, қауіпсіздік ережелеріне мән берді, 17.04 күні технология пәні бойынша пән мұғалімі М.М.Төлегенов 5 ә сынып ұлдар арасында «Электр тізбегін құрастыру» тақырыбында ашық сабақ өткізді. Өткізген сабақ өте тартымды, оқушылар сабақ кезінде зор белсенділік көрсетті. Сабақ өз мақсатына жетті. 18.04 күні 10-11 сыныптар арасында  Ауған соғысы ардагерлері және әскери қызметкерлермен кездесу «Ауған қасіреті» тақырыбымен АӘД пәні мұғалімі К.Т.Бегулин патриоттық  іс-шарасын өткізді. Кездесуге Ауған ардагерлері ата-ана Қорғанбаев Бекдулла Файзуллаевич және Абсатов Дәурен Жумажанович және әскери қызметкер аға-лейтенант Жолдакаев Айдар Темірханович шақырылып қонақ болды. Кездесу кеші тартымды өтті. Тақырыпқа сай оқушылар өз пікірлерін ортаға салды.Ардагерлер  құрметіне шағын сый сияпат көрсетіліп оқушылар әнмен шашу тарту етті. Кеш соңында оқушылар арасында автоматты бөлшектеу - жинақтау сайысы жүргізіліп үздік өнер көрсеткен оқушылар грамотамен марапатталды, естелік ретінде оқушылар ардагерлермен суретке түсті. 19.04 күні дене шынықтыру пәні бойынша 8 а сынып қыздар арасында пән мұғалімі М.Т. Кумаров ашық сабақ өткізді. Сабақ тақырыбы: «Эстафеталық таяқша беру тәсілдері». Мұғалім сабақ тақырыбымен мақсатына сай жаттығулар көрсетті.Таяқша беру тәсілдерін үйретті.Жалпы апталық өте қызықты, тартымды өтті.