№ 18 ЖББОМ КММ

Дөңгелек үстел тықырыбы:

                                           ЕРЛІК – ҰРПАҚҚА МҰРА                                                                                                           

                                                                         Дайындаған: 5 «Ә» сынып жетекшісі

                                                                                                 Адильбекова М.С.

                                                                                         6 «А» сынып жетекшісі

                                                                                                          Жаканова М.

 

Ерлік-ұрпаққа мұра

Мақсаты :

1. Өз Отанын, Туған жерін сүю, Туған жеріне деген сүйіспеншілігін арттыру. Отанын, туған елін қорғай білуге тәрбиелеу.

2. Ұлы отан соғысында, Ауған соғысында ерлік көрсеткен ата-бабаларымыздың ерлік істерін қастерлеп, рухын көтеру, үлгі-өнеге тұту.

1жүргізуші:

Отан үшін мерт болғанды танып, біл,

Оларды әсте ұмытпайды халық бұл!

Ерлік даңқы ешқашан да өшпейді,

Батырлардың жүрегі от боп жанып тұр!

Олар – сенің таңғы шапақ, нұрын ғой!

Олар – сенің мәңгі асқақ жырың ғой!

Мәңгі алауға жиі барып әрдайым,

Бас киімді қолыңа алып гүлің ғой!

 

2жүргізуші:

Қара бұлтқа оран басын Күн көкте!

Барлық халық бейбіт өмір сүрмек де!

Отанынын бақыты үшін мерт болған

Батырларды есіңе ұста, құрметте, -

деген өлең жолдарымен «Ерлік-ұрпаққа мұра?»  атты дөңгелек үстелімізді бастаймыз  

1 жүргізуші:

Ауғанстан жерінде интернационалдық борышын өтеп жүріп мерт болған солдаттарды бір минут үнсіздікпен еске алайық!

1оқушы:ЖҰЛДЫЗ Т.

Алдымыздағы ақпанның 14 - інде КСРО әскерлерінің Ауғанстан жерінен шыққанына 25 жыл болады. Ауғанстанға армияны енгізу туралы шешім 1979 жылдың 12 желтоқсанында Кеңестер Одағының Коммунистік партиясының Орталық Комитетінің Саяси бюросының отырысында қабылданып, аса құпия қаулымен бекітілді.

 

2оқушы:ЖҰЛДЫЗ К.

Қызыл Армияның шектеулі континенті он жыл бойы ауған халқымен бірге соғыс әрекеттерін жүргізді. Ауғанстан жерінде интернационалдық борышын атқарған Қызыл Армия жауынгерлерінен басқа да, көптеген қауіпсіздік қызметінің және ішкі істер органдарының қызметкерлері де болды.Сөйтіп, 1979 ж. 27 желтоқсанда КСРО әскерлері Ауғанстан шекарасынан өтіп, онда 1989 жылдың 15 ақпанына дейін соғыс қимылдарын жүргізді.

3оқушы: БАЛНҰР«Ауған соғысының табиғаты да тарихы да өзгеше. Ол уақытта 18 бен 20 – ның арасындағы өрімдей жастар, бас - аяғы 22 мың қазақстандық өзге азаматтар мамыражай тіршілік етіп жатқан кезде бөтен елде өздерінің ел алдындағы борышын өтеді. Соғыс деген қаралы ұғым. Ауған соғысында мерт болғандар мен ардагерлердің алдында қашанда бас иеміз»,- Ауған соғысына КСРО құрамына 22 000 қазақстандық қатысты. 2 238 күнге созылған соғыста 924 қазақстандық мерт болып, 1015 жауынгер мүгедек болып қайтты. 21 адам хабар – ошарсыз кетті.

 

4оқушы:АСЕЛЬ

КСРО әскерлерінің Ауғаныстан жерінен шыққанына 25 жыл толуын атап өту қарсаңында «Қазақстан - 2050» стратегиясы: қалыптасқан мемлекеттің жаңа саяси бағыты» атты ҚР Президенті Нұрсұлтан Назарбаевтың Жолдауына қатысты қаз. ақпарат тілшілерімен ой бөліскен Мәжіліс депутаты, Ауған соғысының ардагері Бақытбек Смағұл жастарды ел үшін еңбек етуге шақырады.

 

5оқушы:НАЗИРА А.

«Ең алдымен айтарым, адам баласын жақсылыққа үміттендіріп, жақсылыққа жетелеген лазым. Жамандықтың бір кілті ашылса, адамның да, қоғамның да қалған өмірі күреспен өтеді. Елбасының биылғы Жолдауы Қазақстанның әлемдік деңгейдегі беталысы мен бағытын айқындап берді. Президентіміз Жолдауын жастарға арнады. Шын мәнінде, бүгінгі жастар өзгеше. Тәуелсіз елдің төл перзенттері, санасы тәуелсіз, ойы озық, білімі асқақ азаматтар. Жастар жауапкершілікпен қатар, ауыртпашылықты да сезінуі керек,»- дей келе Ауған соғысының ардагері бүгінгі еңбек майданын кешегі ауған соғысына теңеді.

2Жүргізуші:

Айтжанова Назираны  әнімен ортаға шақырамыз

6оқушы:ЕРНИЯЗ

      Сол кезді әркім әрқалай суреттеп, әрқалай жырлайды. Ауғанстан жеріндегі қозғалыстар мен іс-әрекеттер бір ғана сөзге тоқталады, ол – соғыс. Соғыс, бұл – ешқашан қайталанбау керек деген соғыс. Бұл -баршамызға сабақ, жай ғана сабақ емес, өмір бақи есімізде қаларлық сабақ болуы керек.

 7оқушы:ЛАУРА

      - Тағы да бір тарихи дерекке құлақ асайық:

- 1098 павлодарлықтар Ауғанстанда әскери қызмет атқарды. Онда 36 павлодарлық қаза тапты. Дегенмен, олар өз Отанында жерленді.

      Ауғанстанның соғыс барысында 54 жауынгер жарақат алып, олардың ішінде 30 ғана әр түрлі топтағы мүгедектер болып қайтып келді.

8оқушы:ЖҰЛДЫЗ

      Батырлығы мен ерлігі үшін 269 павлодарлық жауынгерлік ордендер және медальдермен марапатталды. Екібастұздық Николай Криминиш Кеңес Одағының Батыры Атағына ие болды, ал павлодарлық Владимир Буторин Жауынгерлік Қызыл Алау орденімен марапатталған еді. Қызыл Жұлдыз орденінің игері – 26 павлодарлық, оның ішінде сегізі мерт болғаннан кейін алды.

1Жүргізуші:

-         Біздің халықта ана деген – асқақ ұғым, сыйлы есім, Ана үшін баладан артық на бар дейсіз. «Бала – ананың бауыр еті» деген мақал бекер айтылмаған шығар. Ғазиз аналарымыз ұлдарын әскер қатарына шығарып салып тұрғанда: «Отан алдындағы борыштарыңды өтеп, аман барып, сау келіңдер» деген тілекпен аттандыратын.

 

2Жүргізуші:

Оқушыларымыздың дайындап келген өлеңдерін тыңдасақ

(оқушылар тақпақтарын айтады)

1Жүргізуші:

Құраш Әминаны  әнімен ортаға шақырамыз

2Жүргізуші:

 «Жауынгер және жасұлан» сайысын назарларыңызға ұсынамыз

1. Қазақстан Республикасында неше облыс бар?14

2. Қазақстан Республикасының Конституциясы қашан қабылданды?1995 жылы 30 тамыз

3. Қазақстан Республикасының азаматтары мемлекеттік, қоғамдық істегі қызметі, еңбектегі жетістіктері мен жауынгерлік ерліктері үшін ордендермен марапатталады. ҚР - да қандай ордендер беріледі.

«Отан» ордені, «Даңқ» ордені (2 дәрежелі), «Айбын» ордені (3 дәрежелі),

«Парасат» ордені «Достық» ордені (2 дәрежелі),«Құрмет» ордені,«Барыс» ордені (3 дәрежелі)

4. Қазақстанның Қарулы күштері қай жылы құрылды? 1992 жылы

5. Қазақстан Республикасында Мемлекеттік рәміздер күні 4 маусым

 

1Жүргізуші: Жақсы оқушылар,  енді келесі ойынымыздың атауы Әуенді тап

 

2Жүргізуші:

Сонау Ауған жерінде қару асынып мұң арқалаған сын сағаттарда бірін - бірі бауыр дескен азаматтар бүгінгі таңда еліміздің түкпір - түкпірінде еңбек етуде.

 

1Жүргізуші:

-         Біздің еліміз – көп ұлтты халық. Енді сол сұрапыл Ауған соғысында елімізден тек қана қазақтар емес, сонымен қатар өзге ұлт өкілдері де қан төкті. Оларға біз алғыс айта отырып, басымызды иеміз

 

2Жүргізуші:

Ұмыт болған, ұмыт қалған жоқ ешкім,

Ешбір адам ұмытпайтын мәңгі есім.

Ұрпақ үшін тозбайтұғын бітпейтін

Ардагерлер – естелігі соғыстың.

 

1Жүргізуші:

Өтер жылдар, айлар тағы алыстап

Тағдыр талай тауқыметін табыстар.

Өздеріңді жырлап өтер ұрпағың

Ауғандағы азап шеккен арыстар - деп ақын жырлағандай, өмір тоқтамайды, ерлік өлмейді, замандарға жалғаса береді. Бұған  дәлел бүгінгі ортамызда жүрген ауғандық жауынгерлеріміз, бейбіт өмірдегі жарқын істері, қоғамдық жұмыстарға белсенділіктері, түрлі кәсіпті игерудегі ерен еңбектері ұмтылмақ емес. Осымен, дөңгелек үстелімізді аяқтаймыз! Барлығыңызға көп рахмет!

 

1 оқушы

Жаулардан қарсы келген жасқанбаған

Жасаған ерлігіне мастанбаған.

Ұрпаққа өмір жолың өнеге боп,

Тарихта ардагерлер асқан бағаң

 

2 оқушы

Баласы батыр туғаннан

Денесін сумен жуғаннан

Батыр да халық қазақпыз

Кіндігін түйіп буғаннан

 

3 оқушы

Даламен бірге қайнасып

Көкпенен бірге жайнасып

Көршімен тату, жауына қату

Қарасаң егер байқасып

 

4 оқушы

Тамыры терең кететін

Жайнаған дархан мекенім

Бар ма екен шіркін жалғанда

Қазағыма жететін

 

5 оқушы

Ел үшін өткен батырлар

Шайырлар менен ақындар

Күш пенен түйсік, ақылды

Бағындыра алған дарындар

 

 

 

 

 

 

 

 

 

 

 

 

 

 

 

6 оқушы

Олардың ерлік тәлімі

Халқына айқын мәлімді

Ұғына алса керекті

Қазіргі ұл - қыз хәліңді

 

7 оқушы

Атойлап шапқан батырлар

Рухын қайрап ақындар

Ұрпағым аман болсын деп

Қыршынбасын деп жатырдан

 

8 оқушы

Ел үші қиып құр жанды

Ұстанған елміз бір заңды

Биікке қойған қазақпыз

Ар - ұятпенен ұжданды

 

9 оқушы

Жауына күшін көрсетіп

Ізіне ерген ел сеніп

Жастарға бүгін аманат

Жасалған істер белсеніп

 

10 оқушы

Бабалар салған сара жол

Өшпейтін мәңгі дара жол

Ұрпаққа бүгін аманат

Қорғай біл халқым пана бол