15 мамыр – Халықаралық отбасы күніне орай Қарағанды облысының білім басқармасы, Қарағанды облысында білім беруді дамытудың оқу-әдістемелік орталығы  2024  жылдың  15 мамыр  күні «Бір отбасы-бір кітап» облыстық Акциясы аясында «Оқырман отбасы» байқауының ақтық кезеңін өткізді. Іс шара отбасылық кітап оқу дәстүрін қайта жаңғырту, оқырмандардың жан-дүниесінде рухани ізгілікті қалыптастырып,  оқу мәдениетін дамыту, оқырман отбасын анықтау мақсатында ұйымдастырылды. Байқауға мектебіміздің 5-Ә сыныбының оқушысы Самат Айғанымның отбасы қатысты. Байқау қорытындысы бойынша Саматовтар отбасы “Көрермен көзайымы” номинациясының жүлдегері атанды. Отбасын дайындағаны үшін қазақ тілі мен әдебиеті пәнінің мұғалімі Медеубаева Майра Куттымуратовна алғыс хатпен марапатталды.